Зяленскі заклікаў саюзнікаў абараніць Украіну гэтак жа сама, як Ізраіль
Прэзідэнт Украіны Уладзімір Зяленскі па выніках сённяшняга пасяджэння Стаўкі вярхоўнага галоўнакамандуючага правёў аналогію паміж Ізраілем і Украінай, якія не з'яўляюцца чальцамі НАТА, і заклікаў міжнародных партнёраў узмацніць намаганні супраць расійскага тэрору ды і паскорыць перадачу Украіне сродкаў СПА, піша «Украінская праўда».
«Відавочна, што фізічная абарона не можа цалкам зберагчы ад удараў тэрарыстаў некаторыя аб'екты. Гэта можа зрабіць толькі досыць эфектыўная СПА. Мы ўдзячныя тым сябрам, якія гэта разумеюць і хутка адгукнуліся на нашы заклікі падтрымаць украінскі паветраны шчыт.
Але інтэнсіўнасць расійскіх нападаў патрабуе большага яднання. Абараніўшы Ізраіль, свабодны свет прадэманстраваў, што менавіта такое яднанне не толькі магчымае, але і на сто працэнтаў эфектыўнае.
Рашучыя дзеянні саюзнікаў не дапусцілі поспеху тэрору ды страты інфраструктуры і прымусілі агрэсара астыць. Тое ж магчыма і ў абароне ад тэрору Украіны, якая, як і Ізраіль, не з'яўляецца членам НАТА. І для гэтага не патрэбная актывацыя 5-га артыкула, дастаткова толькі палітычнай волі».
«Гэта пагражае эскалацыяй». Дэвід Кэмеран адказаў, чаму НАТА не хоча збіваць ракеты і дроны над Украінай
Чаму Ізраіль адбіў грандыёзны ўдар Ірана? Без дапамогі саюзнікаў усё было б зусім не так радасна
«Маё сэрца — з народам Ізраіля». Ціханоўская асудзіла начную атаку Ірана
Як Ізраіль можа адказаць на іранскую атаку?
«Пляваць я хацеў на гэты Захад». Галасаванне Лукашэнкі пачалося з двух праколаў. А вось якія заявы ён зрабіў24
Каментары