Беларускім таксістам забаранілі выкарыстоўваць свае машыны для асабістых патрэб
Беларускія таксісты паводле новага ўказа аб аўтамабільных перавозках пасажыраў не могуць выкарыстоўваць уласныя машыны-таксі для асабістых патрэб. Пра гэта гаварылі падчас арганізаванага навучальным цэнтрам «Акадэмтранс» чарговага абмеркавання змененага заканадаўства, на якім прысутнічалі ўлады і прадстаўнікі галіны пасажырскіх перавозак.
У ходзе абмеркавання высветлілася, што ўладальнік таксі, аказваецца, цяпер не мае права выкарыстоўваць аўтамабіль для асабістых патрэб. Ва ўказе ўтрымліваецца норма аб тым, што аўтамабіль, які выкарыстоўваецца ў таксі, павінен быць афарбаваны або абклеены ў адпаведнасці з рэгламентам, і ўнесены ў рэестр. У выніку таксі перастае быць асабістым транспартам і можа перасоўвацца толькі па патрэбах перавозчыка і толькі ў працоўны час.
Атрымліваецца, што пасля працоўнай змены машыну таксі, нават калі яна асабістая ўласнасць таксіста, для сваіх патрэб выкарыстоўваць нельга. Пасля змены машына таксі павінна быць пастаўлена на стаянку, а змена заканчваецца праз 20 хвілін пасля таго, як машына туды прыехала.
З чэрвеня ў Польшчы нельга будзе пайсці працаваць таксістам, толькі прыехаўшы ў краіну
«Хутка абавяжуць ставіць відэакамеры на нашых кухнях і ў спальнях». Беларусы выказаліся пра новаўвядзенні ў таксі
У Брэсце машына таксі вылецела ў канаву з вадой
Таксіст, які прыехаў на заказ, выратаваў пенсіянера ад махляроў
Каментары