Нерухомасць55

Пакупнікі кватэр ад «Даны» трапілі ў пастку — не могуць аформіць жыллё ва ўласнасць. Як так?

Дзясяткі пакупнікоў кватэр у «Мінск Свеце» не могуць аформіць аплачаныя кватэры ва ўласнасць. Прычынай стаў прыняты ўладамі закон пра кампаніі з капіталам з «недружалюбных» краін, які нечакана ўдарыў не па тых.

Панарама з сайта забудоўшчыка «Мінск Свет»

У чым праблема

Людзі, якія купілі кватэры некалькі год таму ў «Даны» і ўжо цалкам за іх расплаціліся, не могуць іх аформіць на сябе. Аплачанае жыллё дагэтуль належыць не ім, а забудоўшчыку, апісвае сітуацыю «Анлайнер».

«У нейкі момант менеджар «Дана Астры», да якога мы звярнуліся па тлумачэнні, сказаў, што мы не адны такія. Маўляў, ёсць людзі, якія падаліся нават раней за нас, але так і не атрымалі пакуль дакументы», — дзялілася з выданнем жанчына, якая трапіла ў такую сітуацыю. 

«Увосень мінулага года быў прыняты ўказ (пераплецены з іншымі законамі), згодна з якім кампанія з замежным капіталам (са спісу недружалюбных краін) не можа проста так адчужаць сваю ўласнасць. Трэба заплаціць немаленькія адступныя — 25% ад рынкавай цаны. Выключэнняў ні для каго няма. У тым ліку для папулярнага забудоўшчыка.

Як вынік, мы ўсе завіслі. Куды б ні звярталася, адказ адзін — чакайце.

Хутка ўжо будзе паўгода, як я не магу распараджацца сваёй кватэрай — ні прадаць, ні падарыць, ні нават здаць. Ды і не мая яна па дакументах, а «Дана Астры». Забудоўшчык прапанаваў скасаваць дамову, калі нешта не задавальняе. Але грошы вернуць у беларускіх рублях, прычым па тым курсе, што быў паўтара года таму»,

— дзялілася з журналістамі іншая пакупніца.

Такія праблемы ёсць у «Мінск Свеце» і «Маяку Мінска».

Прычына — ва ўказе №326, прынятым у кастрычніку 2023 года (ён унёс змены ва ўказ №93 ад 2022 года). Згодна з ім, кампанія, дзе ёсць замежны капітал (уласнік з «недружалюбнай» дзяржавы), не мае права без спецыяльнага дазволу ўрада і ўзносу ў бюджэт распрадаваць сваю маёмасць. Замежныя забудоўшчыкі могуць прадаваць людзям пабудаванае жыллё толькі разам з выплатай 25%-га ўнёску. «Дана Астра» мае кіпрскіх уласнікаў.

Што кажуць у «Дана Астра»

«Дана Астра» пацвердзіла, што дадатковая ўмова з'явілася пасля прыняцця ўказа Лукашэнкі.

«Па наяўнай інфармацыі, у цяперашні час разглядаецца пытанне аб змене ўмоў дзяржрэгістрацыі здзелак па адчужэнні нерухомай маёмасці і пераходу права ўласнасці па дагаворах куплі-продажу нерухомай маёмасці ў сітуацыі, якая склалася. Прыняцце рашэння па гэтым пытанні чакаецца ў бліжэйшы час», — адказаў забудоўшчык журналістам.

Што кажуць улады

Сітуацыю пракаментавалі ў Міністэрстве эканомікі.

Там згадалі ўказ пра замежныя кампаніі і адзначылі, што дазволы на продаж маёмасці неабходна атрымліваць тым з іх, дзе доля замежнага капіталу большая за 25%. Гэты падыход плануюць захаваць і ў далейшым.

«Аднак, як паказала практыка, дадзенае патрабаванне ў асобных выпадках можа ўшчамляць інтарэсы нашых грамадзян», — заўважае Мінэканомікі.

«У прыватнасці, па дзеючых правілах замежны забудоўшчык мае права перадаваць грамадзянам пабудаванае і аплачанае імі жыллё выключна пасля атрымання адпаведнага дазволу і выплаты ўзносу. Толькі пасля гэтага можа ажыццяўляцца дзяржаўная рэгістрацыя пераходу права ўласнасці на нерухомую маёмасць, правоў на яго і здзелак з ім.

Урад трымае на кантролі гэтае пытанне. Міністэрствам эканомікі падрыхтаваны праект нарматыўнага прававога акта, прыняцце якога дазволіць вырашыць сітуацыю, якая склалася. Дакумент знаходзіцца ў высокай ступені гатоўнасці», — адзначыў намеснік міністра эканомікі Уладзімір Навумовіч.

Каментары5

  • Аркадзь
    29.02.2024
    Анлайнер і дана астра лодку раскачваюць па замове заходніх спецслужб і асабіста Абамы
  • iбо нефiг
    29.02.2024
    К - Карма
  • О как
    29.02.2024
    Раньше просто кидали людей на долгостроях и отдельными домами, теперь можно кидать целыми районами и на уже построенном жилье. А ведь комрады уже заплатили полностью валютные кредиты с нехилыми процентами. И по факту теперь их хаты могут просто национализировать как имущество компании-резидента "недружественной" страны, а покупателям сказать - идите разбирайтесь с продавцом, почему он обанкротился и не может передать вам жильё. А дальше - с барского плеча так уж и быть, позволим вам тут жить на условиях арендного жилья, но без льгот. Кто не согласен - гуляй Вася и заселяем в хату мента или пускаем хату с молотка. Ну а что? Думали, что если кобылка цыганская рядом с руководством сидит, то зачосанный цыган не придумает как лохов кинуть? Ха-ха, ну-ну.

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →