Свет44

Як падчас вайны падарожнічае Зяленскі, калі самалётам з Кіева не вылеціш?

Ва ўмовах вайны прэзідэнт Украіны актыўна здзяйсняе замежныя візіты. Як падарожнічае Зяленскі і якія змены адбыліся за два гады ў транспартным забеспячэнні візітаў?

Владимир Зеленский в Вильнюсе Vladimir Zelensky in Vilnius Уладзімір Зяленскі ў Вільна
Прэзідэнт Літвы Гітанас Наўседа і прэзідэнт Украіны Уладзімір Зяленскі. 10 студзеня 2024 года. Фота: Ukrainian Presidential Press Office via AP

Пералёты вышэйшых дзяржаўных асобаў Украіны забяспечвае Дзяржаўная авіяцыйнае прадпрыемства «Украіна». У 2020 годзе ў яго распараджэнні было тры самалёты (Airbus А319CJ, Ан-148-100В, Ан-74ТК-300Д) і адзін верталёт Мі-8МТВ-1.

З пачаткам вайны замежныя паездкі Уладзіміра Зяленскага спыніліся амаль на 10 месяцаў. Першы свой візіт ён здзейсніў толькі ў снежні 2022 года ў ЗША. Як пісала Бі-Бі-Сі, спачатку Зяленскі прыехаў начным цягніком у Польшчу. Журналісты польскага тэлебачання паказалі яго на чыгуначнай станцыі ў памежным Пшэміслі. Затым ён сеў у адзін з чорных Chevrolet Suburban і адправіўся ў Жэшуў. Там яго забраў Boeing C-40B ВПС ЗША, які суправаджалі самалёт-разведчык НАТА і знішчальнік F-15.

Уладзімір Зяленскі на чыгуначнай станцыі Пшэмысль Владимир Зеленский на железнодорожной станции Пшемысль Volodymyr Zelenskyy at a train station in Przemysl
Уладзімір Зяленскі на чыгуначнай станцыі Пшэмысль. 21 снежня 2022 года. Скрын відэа NBCNews / YouTube

Значна актыўней Уладзімір Зяленскі стаў перамяшчацца ў 2023 годзе. 8-9 лютага ён наведаў Лондан, Парыж і Брусэль. Як паведамлялася, у Лондан ён прыляцеў на ваенна-транспартным самалёце С-17 Каралеўскіх ВПС. А вось у Парыж з Лондана ён прыбыў на самалёце брытанскага ўраду. З Парыжу на саміт ЕС прэзідэнт Украіны паляцеў на ўрадавым самалёце Францыі разам з Эмануілам Макронам.

Volodymyr Zelenskyy arrives at the Orly airport Уладзімір ЗЯленскі прыбыў у аэрапорт Орлі Владимир Зеленский прибыл в аэропорт Орли
Уладзімір Зяленскі ў аэрапорце Орлі каля Парыжу. 8 лютага 2023 года. Фота: Julien de Rosa, pool via AP.

Падчас замежнага турнэ ў маі 2023 года Уладзімір Зяленскі актыўна карыстаўся самалётамі краін-партнёраў. Так у Хельсінкі ён прыляцеў на ўжо вядомым Boeing C-40B, у Амстэрдам — на ўрадавым самалёце Нідэрландаў. 14 мая з Рыма ў Берлін Уладзімір Зяленскі ляцеў на лайнеры Airbus A319 Ваенна-паветраных сілаў Германіі.

Для ўдзелу ў саміце G-7 у Хірасіме, які адбыўся 19-21 мая 2023 года, па просьбе ўкраінскага боку быў прадстаўлены ўрадавы самалёт Францыі.

У верасні 2023 года ўпершыню за паўтара года з пачатку вайны прэзідэнт Украіны выкарыстаў украінскі борт — самалёт Airbus А319CJ рэгістрацыйны нумар UR-ABA. На ім ён паляцеў у ЗША. Але, як і ў першую паездку ў ЗША, Зяленскі спачатку дабраўся да Жэшува, дзе перасеў на борт самалёта, які прыляцеў з Кракава.

Airbus A319 CJ UR-ABA ў Нью-Ёрку. Фота: Офіс прэзідэнта Украіны

Як паведамляецца, гэты авіялайнер быў замоўлены ў Airbus (Францыя) пры Віктары Юшчанку ў 2004 годзе. У эксплуатацыі ён з 2010 года.

У 2023 годзе літоўская кампанія J&C Aero зрабіла маштабную рэканструкцыю салону. Мантажныя і рамонтныя работы праводзіліся ў Талінскім аэрапорце. Менавіта адтуль, па даных flightaware.com, самалёт прыляцеў у Кракаў 31 жніўня 2023 года.

Airbus А319CJ 10 January 2024
Маршрут самалёта прэзідэнта Украіны Airbus А319CJ 10 студзеня 2024 года. Фота: flightaware.com

На гэтым жа борце Уладзімір Зяленскі прыляцеў у Вільню ранкам 10 студзеня 2024 года. Згодна з данымі сэрвісу flightaware.com самалёт Airbus А319CJ у 5:14 ранку вылецеў з Кракава ў Жэшуў, а адтуль у 8:32 — у Вільню. У сталіцы Літвы ён прызямліўся праз 56 хвілін у 10:28 па мясцовым часе.

Чытайце яшчэ:

Зяленскі з неанансаваным візітам прыехаў у Літву

Зяленскі ў Вільні спыняўся ў гатэлі «Нарач»

Прэзідэнт Аргенціны паляцеў звычайным самалётам. І гэта самалёт «Белавія»

Каментары4

  • Побольше уважения, всё-таки
    10.01.2024
    а самому себе Зе вызов хоть немного бросить слабо?

    дарэчы. а што там з выбарамі новага прэзідэнта ва Украіне? вах, іх не будзе, пакуль вайна? дык Зе зручна прыстроіўся. і перавыбірацца не трэба яму. збіраецца прэзідэнтстваваць да апошняга украінца? 
  • вах, вайна будзе да апошняга рашыста
    10.01.2024
    Побольше уважения, всё-таки, я разумею, што лукашыстам не да законаў, але ўсё ж такі раю пачытаць законы, там і знойдзіце адказы на вашыя пустыя пытанні.
  • рагнеда
    10.01.2024
    какие законы? ваши? украинские?

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

Усе навіны →
Усе навіны

Марыя Васілевіч расказала, як стала вядучай «Калыханкі». Кажа, гэта не дзеля папулярнасці6

Даляр на таргах апускаўся ніжэй за 3,10 рубля1

«Байсол» збірае грошы для дзяцей палітвязняў перад школай — яшчэ можна падтрымаць2

Экс-дзяржсакратар ЗША апублікаваў імаверны мірны план Трампа па Украіне. Што ў ім?26

Падазраванага ў падрыве машыны афіцэра ў Маскве даставілі з Турцыі ў Расію

Спявачка Ірына Дарафеева адпачывала ў Турцыі ў гатэлі 18+ ФОТЫ22

28-гадовая жанчына прымала ванну разам з двухгадовай дачкой і размаўляла па тэлефоне з мужам. Гісторыя скончылася трагічна2

Дзесяць займальных пытанняў пра беларуска-габрэйскую кухню ТЭСТ

Сярод зарэгістраваных выбарцаў за Трампа 48%, за Харыс 46% — апытанне New York Times4

больш чытаных навін
больш лайканых навін

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

Галоўнае
Усе навіны →