Літаратура22

«Вершы — сляды ў паднябессі». Выйшаў зборнік выбраных твораў Алеся Разанава

Кніга «З маланкаю ў сэрцы» пабачыла свет накладам 2500 асобнікаў.

Новая кніга, якую ўклалі доктарка філалагічных навук Ганна Кісліцына і жонка паэта Галіна Разанава, была спярша задумана як том выбранага і сабрана самім паэтам — у 2019 годзе, піша «Звязда».

З прадмовы Г. Кісліцынай «Класік беларускага авангарда» да выдання, якое мы зараз маем шчасце трымаць у руках:

«З маланкаю ў сэрцы» — так павінен быў называцца том выбранага, які ўклаў сам паэт у 2019 г. Назва супадае з радком з аднаго з разанаўскіх версэтаў, але значна шырэйшая за яго змест. Бо маланка — гэта і паэтычная метафара той энергіі, якая злучае ў творчасці паэта зямлю і неба, быццё і небыццё, і метафара тых выпрабаванняў, якія выпалі на яго долю.

Здаецца вельмі важным, каб чытачы маглі ацаніць творчасць Алеся Разанава, кіруючыся яго ўласнымі ўяўленнямі пра тое, якія з яго твораў з’яўляюцца найбольш істотным здабыткам для айчыннай літаратуры. У гэту анталогію ўвайшло не ўсё адабранае — у тым рукапісе было каля 1200 старонак, — але асноўныя кірункі яго творчых пошукаў у кнізе, якую вы трымаеце ў руках, прадстаўлены. На наш погляд, яны даюць поўнае ўяўленне, чаму Алеся Разанава называлі класікам беларускага авангарда, бо краевугольнай ідэяй авангарда, нагадаем, з’яўляецца выйсце за межы вядомага ў невядомае і нават непазнавальнае». 

«З маланкаю ў сэрцы» адкрываецца вершам, які быў народжаны ў 1965 годзе, — «Мова»:

Празрысты звон,
грымотны грукат,
скалісты свіст,
магутны гул —
усе
разрозненыя гукі
цяклі,
каб зліцца
у агул.
Хісталі
ўздыбленыя далі,
глыбаста білі ў небасхіл.
І ў немату не прападалі,
а западалі
і раслі.
І ціш і гром
і звон і шорах
спляліся
ніткаю радства,
калі з грудзей,
нямых і чорных,
аднойчы
мова прарасла. 

Падаецца, што ўсе памкненні, усе, на першы погляд, самыя складаныя мастацкія і філасофскія, проста жыццёвыя вышукі Алеся Разанава былі скіраваны на ўмацаванне таго моста, што злучае традыцыі з вечнасцю, з будучыняй. Наш вялікі сучаснік Алесь Разанаў і далей будзе прачытаным, і зразумелым не толькі для новых пакаленняў беларусаў.

Такой упэўненасці дадаюць і заключныя разанаўскія радкі з кнігі «З маланкаю ў сэрцы», якая выйшла ў мінскім выдавецтве «Папуры»: «Мэта паэтычнай творчасці — вершы, а метамэта — у выйсці… У выйсці з абмежаванасцяў, з якімі зрошчана і зроднена асабовасць, у боскія абсягі. Вершы — сляды ў паднябессіці, калі ўдакладняцца, сляды з паднябесся». 

Давайце паспрабуем пайсці следам за яркім мастаком слова, паспрабуем зразумець і адкрыць штосьці сутнаснае, што гучыць, што закладзена ў яго вершах, паэмах, пункцірах, версэтах, вершаказах, квантэмах, зномах. 

Каментары2

  • XXX
    18.12.2023
    Дык хто-ж усёткі ўклаў том, сам аўтар ці доктар навук?
  • Жвір
    18.12.2023
    Вокладка няўдалая, апакаліптычныя нейкая. Як заўжды... Чаму, калі кніга беларуская, асабліва такога(!) аўтарства, дык абавязкова дэпрэсіўнага афармленьня, выгляду безвыходнасьці й пакутаў ? Дзе там маланка ? Дзе сэрца ? Расколіна ў сьціснутым каменным цяжарам знерухомленым сэрцы. Безвыходнасьць і немінучы скон, без ніякага шанцу на жыцьцё і будучыню. Ці мастак ня бачыў маланку, яе энэргію, імпульс, нястрыманасьць і непакорнасьць ?.. Пра сэрца й не кажу...

Чаму абваліўся біткойн і прасела нафта? Адказ на пытанне дня4

Чаму абваліўся біткойн і прасела нафта? Адказ на пытанне дня

Усе навіны →
Усе навіны

Абваліўся фінансавы рынак Азіяцка-Ціхаакіянскага рэгіёна6

«Сустрэліся дзве адзіноты». Саннікаў працягвае кпіць з Ціханоўскай ФОТАФАКТ51

Ізраіль гатовы першым нанесці ракетны ўдар па Іране3

Якая абстаноўка на пераходах з Польшчай і Літвой па стане на раніцу панядзелка?

Больш за суткі пакут: як беларусы праходзяць польскую мяжу12

ЗША выйшлі на першае месца ў медальным заліку Алімпіяды3

Больш чым $2000 за «квадрат». Дзе знаходзяцца і колькі каштуюць элітныя кватэры ў Гродне6

У Беларусі будуць збіраць яшчэ адно кітайскае аўто — прэміяльнае3

Дырэктар «Прэзідэнт-гатэля» назваў беларускую страву, якую любяць кіраўнікі іншых краін3

больш чытаных навін
больш лайканых навін

Чаму абваліўся біткойн і прасела нафта? Адказ на пытанне дня4

Чаму абваліўся біткойн і прасела нафта? Адказ на пытанне дня

Галоўнае
Усе навіны →