«Адзінокі воўк». Трагедыя ў Капыльскім раёне — мужчына падпаліў сябе
40-гадовы мужчына скончыў жыццё самагубствам. «Апошнім часам хадзіў засмучаным», — расказвае знаёмы.
Пра трагічную смерць жыхара Капыльскага раёна «Нашай Ніве» стала вядома ад некалькіх чалавек.
22 лістапада Сяргей Ушолік абліў сябе бензінам і падпаліў. Паводле аднаго з жыхароў, мужчына быў выпіўшы, а прычынаю самагубства нібыта сталі сямейныя праблемы.
У афіцыйных зводках надзвычайных сітуацыяў такі выпадак не згадваецца.
Адзін з жыхароў Капыльскага раёна пра смерць Сяргея даведаўся ад сяброў. Яны збіралі грошы на яго пахаванне, але падрабязнасцяў не казалі. Пахавалі Сяргея 23 лістапада.
Мужчына меў непаўналетнюю дачку, якую, расказваюць, дужа любіў.
«Сяргей быў таварыскім хлопцам. Любіў кампаніі, але быў, як мне падаецца, усё ж ранімым чалавекам, хаця паказваў сябе, што ён такі брутальны мужчына. Выпіваў, як і ўсе ў нас. Што адбылося ў яго сям’і, не ведаю. Сам ён апошнім часам хадзіў засмучаным. Пагаворвалі, што ад яго сышла жонка», — расказаў пра нябожчыка яго знаёмы.
Ён лічыць, што Сяргей не хацеў сябе забіваць. Ці быў хтосьці з Сяргеем, калі той сябе падпальваў, суразмоўца не курсе.
Сацыяльныя сеткі Сяргея поўняцца фотаздымкамі з дачкой. Фота з жонкай падпісаныя «я з любімай». Апошнія выстаўленыя свае здымкі Сяргей падпісаў словамі «адзінокі воўк» і «ўсё будзе добра». 21 лістапада мужчына наведваў сеткі апошні раз.
«Наша Нiва» — бастыён беларушчыны
ПАДТРЫМАЦЬГлядзіце таксама:
Сямейная драма ў Рэчыцы: пенсіянер пасварыўся з жонкай і спаліў агульнае аўто
У Талачынскім раёне мужчына падпаліў сябе
У Рэчыцы хлопец падпаліў сябе дзеля эфектнага відэа
Дзеці дзеля жарту падпалілі ў пад'ездзе анучы. У 11-гадовай дзяўчынкі — 70% апёкаў цела
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары