Ізраіль увайшоў у бальніцу «Аш-Шыфа», дзе можа знаходзіцца камандны пункт баевікоў ХАМАС
Дакладных звестак, колькі людзей знаходзіцца на тэрыторыі найбуйнейшага ў сектары Газа бальнічнага комплексу, няма.
Інфармацыя пра тое, што адбываецца ў бальніцы «Аш-Шыфа», дзе ізраільская армія гэтай ноччу праводзіць аперацыю супраць ХАМАС, пакуль вельмі бедная і адрывачная. Адзін з дактароў бальніцы сказаў, што на тэрыторыі бальнічнага комплексу знаходзяцца ізраільскія танкі і бульдозеры, піша Бі-бі-сі.
Мясцовыя супрацоўнікі Сусветнай арганізацыі аховы здароўя ў аўторак казалі, што ў бальніцы знаходзяцца каля 700 пацыентаў, 400 чалавек персаналу і тры тысячы мясцовых жыхароў, якія хаваюцца ад баявых дзеянняў — усяго 4100 чалавек.
Днём раней падкантрольнае ХАМАС Міністэрства аховы здароўя сектара Газа абвясціла, што ў «Аш-Шыфе» знаходзяцца не менш за 2300 чалавек: 600-650 пацыентаў, 200-250 супрацоўнікаў і каля паўтары тысячы мясцовых жыхароў, уцекачоў ад баёў.
Ізраільская армія ў ноч на сераду абвясціла, што перад пачаткам аперацыі ў «Аш-Шыфе» адкрыла калідор для выхаду цывільных асоб.
Карэспандэнт тэлеканала Al Jazeera паведаміў, што ў галоўным двары бальніцы «Аш-Шыфа» стаяць ізраільскія танкі, а салдаты ізраільскай арміі зайшлі ў адзін з карпусоў бальніцы.
Паведамленняў аб якіх-небудзь сутычках і стральбе ўнутры бальніцы пакуль няма.
Прэс-сакратар Мініздароўя Газы сказаў, што ізраільскія салдаты абшукваюць падвалы. Ізраіль і ЗША сцвярджаюць, што пад бальніцай «Аш-Шыфа», найбуйнейшай у сектары Газа, размешчаны падземны камандны пункт ХАМАС.
Разам з тым ізраільскія салдаты пакуль не ўвайшлі ў галоўны будынак бальніцы.
Комплекс «Аш-Шыфы» складаецца з шасці карпусоў.
У сацсетках распаўсюджваецца неверыфікаванае відэа, як сцвярджаецца, з калідораў «Аш-Шыфы», у якіх крычаць мноства людзей — сярод іх вельмі шмат маладых бяззбройных мужчын.
Што за чамадан носіць каля Лукашэнкі ягоны ахоўнік? Не, там не ядзерная кнопка18
Каментары
"Израиль - демократическая страна, об этом надо сказать очень чётко и никаких сомнений быть не может. Мы будем это подчёркивать каждый раз. Израиль - страна, приверженная международному праву, соблюдению прав человека и действует в соответствии с ними. Поэтому, обвинения против Израиля абсурдны, В этом нет никаких сомнений."
-Теперь понятно, почему лукашенко до сих пор бессменный президент. В их шкале ценностей он тоже глава демократической страны, а убитые и замученные сами виноваты, может быть они даже хамас/белый легион/секта зенона?
-К тому же лукашенко тоже постоянно говорит про себя: Беларусь - страна, приверженная международному праву, соблюдению прав человека и действует в соответствии с ними. Поэтому, любые обвинения против Беларуси абсурдны, В этом нет никаких сомнений.