Піневіч назваў пяцігадовую адпрацоўку пасля ардынатуры справядлівай
Міністр аховы здароўя пракаментаваў павелічэнне тэрміну адпрацоўкі пасля ардынатуры.
У заканадаўства аб ахове здароўя ўносяцца змены наконт ардынатуры. Тэрміны праходжання падрыхтоўкі ў ардынатуры складуць ад двух да пяці гадоў у залежнасці ад спецыяльнасці. Дактары, якія прайшлі падрыхтоўку ў ардынатуры ў вочнай і завочнай форме за кошт бюджэту, будуць падлягаць размеркаванню ў дзяржаўныя арганізацыі аховы здароўя з адпрацоўкай абавязковага тэрміну не меншага за пяць гадоў.
«Тэрміны ардынатуры падоўжаныя, уваход на некаторыя спецыяльнасці будзе толькі праз ардынатуру. Думаю, справядліва, калі ты атрымліваеш высокатэхналагічную спецыяльнасць за кошт бюджэту і табе дзяржава дае магчымасць стаць высокага класа спецыялістам, якім становяцца на Захадзе за значна даўжэйшы час, адпрацаваць гэты тэрмін у той установе аховы здароўя, куды цябе пашле радзіма, па спецыяльнасці, якую абраў», — цытуе Піневіча БелТА.
Паводле яго слоў, гэта робіцца зыходзячы з таго, што падрыхтоўка медыкаў, як і любых іншых спецыялістаў, якія навучаюцца за кошт бюджэтных сродкаў, дастаткова затратная для дзяржавы. Міністр таксама звярнуў увагу на праблему недахопу кадраў у медыцынскай галіне, але адзначыў, што гэта датычыцца не толькі Беларусі.
Ён таксама нагадаў, што ў краіне ўжо даўно існуе мэтавая падрыхтоўка будучых медыкаў, адпрацоўка пасля якой — пяць гадоў.
«Нават яго прыхільнікі зразумелі, што жыць як раней ужо не атрымаецца». Беларусы расказалі пра атмасферу ў краіне напярэдадні выбараў6
Каментары