Бузава паслізнулася і звалілася на «Мінск-арэне». Ані Эйсмант, ані Прыгожын не падхапілі яе
Расійская зорка рабіла сімвалічнае ўкідванне шайбы перад матчам Кантынентальнай хакейнай лігі «Дынама-Мінск» — «Ак Барс».
![](http://d3kcf2pe5t7rrb.cloudfront.net/img/w840d4webp1/photos/z_2023_09/buzawa230927-o9u33.jpg.webp)
Вольга Бузава выйшла на лёд у суправаджэнні кіраўніка Белтэлерадыёкампаніі Івана Эйсманта, а таксама прадзюсара Іосіфа Прыгожына, спевакоў Руслана Аляхно і Сярогі, якія прыехалі на шоу «Фактар».
Пасля ўкідвання шайбы кампанія накіравалася за межы пляцоўкі. Бузава была на абцасах, паслізнулася, не ўтрымалася і ўпала на лёд.
Эйсмант, Аляхно і Прыгожын не паспелі падстрахаваць. Сярога моўчкі сузіраў.
Надеюсь все хорошо✌️
Падзенне Бузавай выклікала смех на «Мінск-Арэне». Смяяўся нават трэнер «Дынама» Дзмітрый Квартальнаў.
Дарэчы, падзенні нехакейных зорак на лёдзе не такая ўжо і неардынарная падзея. Чатыры гады таму завірусілася відэа, як перад матчам «Авангард» — СКА той жа КХЛ расцягнуўся на лёдзе славуты партугальскі трэнер Жазэ Маўрынью.
А «Дынама» ўчора выйграла 3:2, і Бузава радавалася шайбе-сувеніру.
Каментары