Свет99

Беларусь з групай дыктатарскіх рэжымаў спрабавала праз ААН асудзіць санкцыі супраць сябе. Але нават Кітай не падтрымаў

У распараджэнні выдання National Review з'явілася копія афіцыйнага ліста, у якім 11 дыктатур, у тым ліку Беларусь, на днях выказвалі ААН калектыўнае незадавальненне з-за адсутнасці ў афіцыйных дакументах крытыкі эканамічных санкцый. Для ўплыву на ААН дыктатуры таксама маглі выкарыстаць адну лукашэнкаўскую прыхільніцу. 

Фота: «Наша Ніва»

17 верасня рэжым Лукашэнкі сумесна з такімі дыктатарскімі краінамі, як Эрытрэя, Зімбабвэ, КНДР, Нікарагуа, Балівія, Куба, Расія, Венесуэла, Сірыя і Іран напісалі калектыўны ліст на імя кіраўніцтва ААН з просьбай унесці іх пазіцыю з крытыкай эканамічных санкцый (менавіта ўведзеных супраць іх) у выніковыя афіцыйныя дакументы арганізацыі.

Як піша выданне National Review, у выпадку поспеху гэта магло б быць «калектыўнай прапагандысцкай перамогай дыктатур і значным ударам па палітыцы абароны правоў чалавека ў свеце». Аднак гэтага не адбылося.

Прапановы дыктатарскіх рэжымаў так і не былі ўключаны ў фінальны дакумент «пра Мэты ўстойлівага развіцця ААН да 2030 года», які быў прыняты падчас 78-й сесіі Генеральнай Асамблеі ААН, што адбываецца цяпер у ЗША.

«Група з 11 дыктатарскіх рэжымаў, у тым ліку Беларусь, паскардзілася чыноўнікам ААН на адсутнасць афіцыйнай крытыкі ўведзеных супраць іх санкцый у дакументах арганізацыі, бо гэта нясе «экзістэнцыйную пагрозу» іх выжыванню. 

Рэжымы першапачаткова заявілі, што іх прапановы падтрымаюць Кітай і іншыя краіны, якія спачуваюць ім у ААН. Аднак гэтага ў выніку не адбылося», — адзначае National Review.

Выданне таксама зважае на тое, што ў калектыўным лісце дыктатуры пры апісанні негатыўнага ўплыву санкцый на іх краіны спасылаліся на «крыніцы ўнутры ААН».

National Review мяркуе, што пад гэтай фармулёўкай можа хавацца Алена Доўгань — грамадзянка Беларусі, якая мае значны паслужны спіс у беларускіх адукацыйных установах і з 2020 года займае пасаду спецдакладчыцы ААН па пытаннях негатыўнага ўплыву санкцый на ажыццяўленне правоў чалавека. 

«На гэтай пасадзе Доўгань рэгулярна спрабуе адгарадзіць дыктатарскія рэжымы ад міжнароднага ціску», — піша выданне.

Алена Доўгань, грамадзянка Беларусі на пасадзе спецдакладчыцы ААН па пытаннях негатыўнага ўплыву санкцый на ажыццяўленне правоў чалавека, праводзіць прэс-канферэнцыю ў Іране з асуджэннем санкцый супраць гэтай таталітарнай краіны, 2022 год. Фота: AP

З самім калектыўным лістом можна азнаёміцца тут. Пад ім падпісаліся лукашэнкаўскі дыпламат Валянцін Рыбакоў і прадстаўнікі астатніх 10 дыктатарскіх рэжымаў. Яны адзначылі, што працягнуць спробы ўплываць на выніковыя дакументы ААН у будучыні.

Каментары9

  • Алек. Ру
    19.09.2023
    Цікава, якія ашчушчэния у́ лукашыстау́ ад такой кампашкі? Кампашкі сусветных ізгояу́, ад якіх усе цураюцца?
  • Падшие
    19.09.2023
    Молодцы, - давайте вместе и дружно схематозить, зарабатывать, для укрепления диктатур, личных счетов с западными соучастниками, но не мешайте терроризировать и репрессировать собственное население. Деньги, власть - всё, а людишки - расходный материал, либо помогающий держать власть и воровать, либо мешающий держать власть и воровать (классическое добро и зло).
    Можно немножко иначе и причёсаннее, - народ для государства (а государство - я, лукашенко, моя семья и мои интересы), а не государство для народа.
    Поразительно, но, в 21 веке, добрая треть власть держащих согласно с тем, что народ для государства в лице их семей и интересов их семей.
  • АХ
    19.09.2023
    Рэдакцыя: Дзякуй!

Стала вядома імя чалавека, якога сілавікі назвалі першым затрыманым па справе «Гаюна»40

Стала вядома імя чалавека, якога сілавікі назвалі першым затрыманым па справе «Гаюна»

Усе навіны →
Усе навіны

Два гомельскія кур‘еры забралі 100 тысяч у 87-гадовай жанчыны, кінулі куратара і пачалі салодкае жыццё5

У 35 гадоў памёр падпалкоўнік, які займаўся асабліва важнымі справамі ў цэнтральным апараце МУС7

Мус мока. Як насіць самы модны колер гэтага года?12

Адміністрацыя Трампа скарачае штат USAID у 30 разоў8

На мяжу вярнулася чарга з аўтамабіляў1

Міліцыя расказала, што рабіць пры шантажы інтымнымі фота ў Сеціве

Пошта не перасылае грошы некаторым палітвязням

Трамп увёў тарыфы для Кітая і хоча абкласці імі Еўрасаюз. Ці закране Беларусь?4

У 2024 годзе ў Польшчы затрымалі больш за 900 беларусаў, якія нелегальна працавалі ў краіне3

больш чытаных навін
больш лайканых навін

Стала вядома імя чалавека, якога сілавікі назвалі першым затрыманым па справе «Гаюна»40

Стала вядома імя чалавека, якога сілавікі назвалі першым затрыманым па справе «Гаюна»

Галоўнае
Усе навіны →

Заўвага:

 

 

 

 

Закрыць Паведаміць