Спявачка Рыта Дакота трэці раз святкуе вяселле ў новай краіне
Беларуская спявачка Рыта Дакота ў трэці раз святкуе вяселле з Фёдарам Белагаем — у гэты раз на Балі. Хаця некаторыя падпісчыцы (мабыць, з Беларусі), калі пачулі, што будзе тры святы ў трох розных краінах, спадзяваліся, што пасля Расіі і Грузіі вяселле адбудзецца і на радзіме нявесты.
Але ж пара вырашыла паляцець у сваё «месца сілы» — на Балі, дзе закаханыя некалі і пазнаёміліся. У планах была ўтульная цырымонія з галоўным манахам вострава святым Манку Джаці. Пара запрасіла на свята сваіх найлепшых сяброў.
«Гэта нашмат больш, чым проста вяселле. Гэта акт падзякі і служэння нашым сябрам. Тым, хто быў з намі з самага дзяцінства і юнацтва. Тым, хто быў побач, калі не было зусім нічога: ні славы, ні грошай, ні шчасця, ні ўпэўненасці ў заўтрашнім дні. Але былі яны. Тыя, хто ў нас верыў, тыя, хто нас любіў насуперак, тыя, хто заўсёды здымаў з сябе апошнюю кашулю, аддаваў апошні кавалак хлеба, даваў і плячо, і дах над галавой, і сілы ісці далей, калі апускаліся рукі», — напісала Дакота на сваёй старонцы ў Instagram.
Спявачка таксама ўдакладніла, што яны з мужам купілі білеты ўсім гасцям, знялі самую прыгожую вілу на востраве, вялізны і беласнежны катар.
Але без праблем не абышлося. Спачатку СДЭК недзе згубіў пасылку з вясельнай сукенкай спявачкі і ёй прыйшлося тэрмінова купляць новую. Потым ноччу напярэдадні вяселля на Балі быў землятрус сілай 7,1 бала.
Вясельны дзень пары пачаўся з дыхальнай практыкі і ёгі з сябрамі. Потым, пакуль сяброўкі нявесты рабілі макіяж, сама нявеста адправілася на пляж, а жаніх за гадзіну да вяселля разам з сябрамі забаўляўся ў басейне.
Пад вянец Рыту павёў яе брат Аляксандр. Лакацыю для вяселля аформілі, па словах спявачкі, як у фільмах. Кветкавую арку ўсталявалі так, каб госці маглі любавацца не толькі парай закаханых, але і акіянам.
Нагадаем, што першае вяселле Дакоты адбылося ў траўні гэтага года ў Маскве: тады ў маладзёнаў не было шыкоўнай цырымоніі. Яны вырашылі арганізаваць свята для выхаванцаў дзіцячага дома ў Цверы. Пара аплаціла рамонт там, падарыла дзецям веласіпеды і зладзіла пікнік.
У пачатку жніўня Дакота і Белагай павянчаліся ў Грузіі — цырымонія прайшла ў адной з найстарэйшых цэркваў Тбілісі. На свята запрасілі самых блізкіх людзей — усяго каля дзесяці сваякоў. Падпісчыц Рыты больш за ўсё цікавіла, дзе яе маці, бо каля года таму стала вядома, што жанчыну затрымалі беларускія сілавікі і абвінавачвалі яе ва ўдзеле ў пратэсных акцыях, пагражалі крымінальнай справай.
Спявачка адказала ў сторыз: «Год таму мая мама прыняла рашэнне не фігураваць ні ў якіх сацсетках. Гэта яе выбар. Магчыма, аднойчы яна вернецца і сама раскажа вам пра прычыны, калі палічыць патрэбным. Я ведаю, што пытаючыся пра гэта ў дырэкт штодня, вы не хацелі нічога дрэннага, а проста любіце нашу сям'ю, лічыце нас усіх роднымі і перажываеце. Але вы моцна палегчыце мне жыццё, калі праявіце крыху тактоўнасці».
Потым у пасце Рыта ўдакладніла, што на вянчанні былі бацькі маладзёнаў, іх браты і дачка (Міі, дачцэ спявачкі ад першага шлюбу са спеваком Уладам Сакалоўскім, пяць гадоў).
Калі меркаваць па сторыз, свята ў Тбілісі крыху засмуціла нявесту — а прычынай таму стала легендарная грузінская гасціннасць. Пара планавала свята — карцінку з Pinterest: святочны стол са мноствам свечак паставілі ў гарах пад разгалістым дрэвам, упрыгожаным гірляндай. Побач дзяўчына з гітарай спявала грузінскія песні… У сторыз Дакота распавяла, што жадала правесці вечар у душэўных гутарках з самымі блізкімі людзьмі. Аднак раз-пораз да іх падыходзілі незнаёмыя людзі, якія хацелі павіншаваць пару з вяселлем. У выніку спявачка прызналася, што хутка стамілася слухаць бясконцыя тосты ад чужых. Але, бачачы што гасцей гэта не бянтэжыць, яна вырашыла змірыцца з сітуацыяй і атрымліваць асалоду ад свята, якое пайшло не па плане.
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной11
Каментары