Каханне і сэкс5

«А дзе ваша мама?» Рыта Дакота павянчалася ў Тбілісі

Беларуская спявачка Рыта Дакота павянчалася ў сталіцы Грузіі з расіянінам Фёдарам Белагаем. Пара разам ужо не адзін год. Фёдар з’яўляецца спецыялістам па медытацыі. Ажаніліся яны яшчэ ў траўні гэтага года, а цяпер вырашылі правесці цырымонію і ў царкве.

Скрын відэа з інстаграма спявачкі

У Instagram Рыта распавяла аб цікавым «выпадковым супадзенні», звязаным з гісторыяй знаёмства закаханых і краінай вянчання: «Мала хто ведае, але мы з Федзем пазнаёміліся ў 2018 годзе ў балійскай кафэшцы грузінскай кухні пад назвай «Ціфліс». 

Уважлівыя падпісчыцы заўважылі, што нідзе на відэа не відаць маці нявесты. Паводле слоў Дакоты, яна атрымала шквал паведамленняў у дырэкт з пытаннем «А дзе ваша мама?».

Скрын сторыз у інстаграме спявачкі

Нагадаем, каля года таму ў адным з лукашысцкіх тэлеграм-каналаў з’явілася навіна аб тым, што Святлана Герасімовіч, маці Рыты Дакоты, затрыманая. З суправаджальнага тэксту, вытрыманага ў звычайным для карных структур хамскім і абразлівым стылі, можна было зразумець толькі тое, што абвінавачвалася жанчына ва ўдзеле ў пратэсных акцыях і ёй пагражалі крымінальнай справай. Дакота ў 2020 годзе падтрымала пратэсты і выпусціла песню «Уходи», якую адрасавала Лукашэнку. Але потым Рыта выдаліла трэк.

Пра лёс маці спявачкі доўгі час было нічога не вядома. Цяпер Рыта напісала ў сторыз:

«Год таму мая мама прыняла рашэнне не фігураваць ні ў якіх сацсетках. Гэта яе выбар. Магчыма, аднойчы яна вернецца і сама раскажа вам пра прычыны, калі палічыць патрэбным.

Я ведаю, што пытаючыся пра гэта ў дырэкт штодня, вы не хацелі нічога дрэннага, а проста любіце нашу сям'ю, лічыце нас усіх роднымі і перажываеце. Але вы моцна палегчыце мне жыццё, калі праявіце крыху тактоўнасці». Дакота шматзначна дадала: «Пра маму і не толькі» і апублікавала спасылку на сваю песню Sat Nam.

Другім па папулярнасці пытаннем, паводле слоў Дакоты, стала: «А ці можна павянчацца другі раз?». Рэч у тым, што Рыта сапраўды была павянчаная і са сваім першым мужам — спеваком Уладам Сакалоўскім.

Фота: інстаграм Фёдара Белагая

На гэта спявачка адказала падрабязней:

«Мне давялося атрымаць дабраславенне адразу ў двух бацюшак, бо ў адрозненне ад Расіі ў Грузіі сапраўды вянчаць могуць, толькі калі першы шлюб ануляваны і на гэта ёсць дабраславенне царквы. У маім выпадку раставанне з першым мужам было не з маёй віны і я такое дабраславенне атрымала. Двойчы. Гэта была ўмова таго бацюшкі, які будзе нас вянчаць сёння. Таму ўсё будзе добра.

Дарэчы, гэта было яшчэ адной прычынай на карысць шлюбу з Федзем. Мне хацелася з канцамі аддзяліцца ад мінулай сістэмы ўжо не маёй сям'і і стварыць іншую, сваю. Разумею, што гэта фармальнасць і рытуал, але для мяне гэта было важна. Атрымаць дабраславенне, ануляваўшы мінулую цырымонію і стварыўшы сваю».

У Рыты таксама ёсць дачка Мія ад першага шлюбу (ёй пяць гадоў). Калі меркаваць па сацсетках, то ў яе вельмі добрыя адносіны з новым абраннікам мамы. Сам Фёдар на сваёй старонцы ў Instagram піша пра сабе: «Барадаты айчым, які медытуе». 

Само вянчанне праходзіла ў старажытным храме на вяршыні гары. Сярод гасцей былі толькі самыя блізкія людзі — менш за 10 чалавек. 

Каментары5

  • Без хамства
    09.08.2023
    даведка, табе дзела?
  • даведка
    09.08.2023
    Так и думал, обычный тунеядец... или жиголо.
  • умка
    09.08.2023
    а президент в том классификаторе есть?

«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую

«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую

Усе навіны →
Усе навіны

УЕФА дыскваліфікуе турэцкага абаронцу за нацыяналістычны жэст на Еўра-20241

Польскія турысты на «машыне Фунціка» праехаліся па Беларусі і расхвалілі яе на ўсе лады. Што ім так спадабалася?2

Польшча хоча прыцягнуць памежнікаў з Фінляндыі, Германіі і Грэцыі для абароны мяжы з Беларуссю2

Як абараніць свае грошы ў экзатычнай паездцы? Раіць гомельскі падарожнік, які пабываў амаль у 650 гарадах свету1

«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі22

YouTube заблакаваў каналы Z-спевака Шамана і іншых расійскіх праўладных выканаўцаў4

Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?4

У Мінску адкрылася першая крама, якая прыходзіць на змену «Бусліку»5

У Гомелі дэпутат правёў прыём грамадзян, на які ніхто не прыйшоў3

больш чытаных навін
больш лайканых навін

«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую

«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую

Галоўнае
Усе навіны →