Грамадства1717

Лукашэнкаўскі гісторык выявіў Губку Боба на плакаце сацыяльнай рэкламы і абурыўся прапагандай «педэрастыі»

Падпалкоўнік унутраных войскаў у адстаўцы Аляксандр Плавінскі знайшоў у Мінску беларускамоўную сацыяльную рэкламу і абурыўся Губкам Бобам, якога ён залічвае да «педэрастаў». Аднак ні Губкі Боба, ні «педэрастаў» на плакаце няма, там толькі тры геаметрычныя фігуры, піша «Люстэрка». 

Сацыяльную рэкламу з заклікам закрываць кран падчас чысткі зубоў Плавінскі ўбачыў у падземным пераходзе на плошчы Якуба Коласа. 

Паводле яго слоў, там вісіць чатыры аднолькавыя плакаты. «У жыхароў Мінска хіба няма ў кватэрах лічыльнікаў вады, і бацькі не кантралююць яе выкарыстанне і аплату? Але не будзем занадта прыдзірлівымі да сацыяльнай рэкламы», — напісаў падпалкоўнік запасу.

«Першае, што кідаецца ў вочы, — тры гендарна нейтральныя істоты з ЗАМЕЖНАГА мультфільма. У нас што, няма сваіх мульцяшных персанажаў для такой рэкламы? Няўжо хлопчыкі і дзяўчынкі ў святле заходніх павеваў «агульна эўрапэйскіх каштоўнасцяў» у нашай краіне ўжо сталі не ў пашане? Ці гэта так «пілуюць» гарадскі бюджэт для рэкламы замежных мультфільмаў?» — задаецца пытаннямі Плавінскі, выкарыстоўваючы па-беларуску толькі выраз «агульна эўрапэйскіх каштоўнасцей».

Ён прызнаў у квадратным аранжавым персанажу Губку Бобу героя мультсерыяла тэлеканала Nickelodeon. У 2020 годзе падчас месяца гей-прайду канал размясціў фота Губкі Боба — імаверна, спрабаваў паказаць, што ён проста падтрымлівае ЛГБТ. Стваральнік персанажа Стывен Хіленберг яшчэ ў 2005 годзе распавёў, што не надзяляў сваіх персанажаў якой-небудзь сэксуальнасцю і расцэньваў іх як асэксуальных герояў.

Але Плавінскі катэгарычны.

Так насамрэч выглядае Губка Боб, таксама вядомы як Губка Боб Квадратныя Штаны. Фота: Stephen Hillenburg / Wikimedia Commons

«Гаворачы больш зразумелай для старэйшага пакалення мовай — ён педэраст!

Дарагія мінчане, «віншую» вас: у наш горад пад выглядам сацыяльнай «праціснулі» рэкламу педэрастыі! Няхай вашы дзеці глядзяць і вучацца ў мульцяшнага педэраста, як трэба эканоміць ваду!» — заключыў былы вайсковец.

Аляксандр Плавінскі пасля выхаду на пенсію заняўся пісьменніцтвам і выдаў некалькі псеўдагістарычных кніг. Адна з іх называецца «Курапаты ля вытокаў гістарычнай сенсацыі». Яна прысвечаная выкрыццю «міфа аб савецкіх рэпрэсіях». Таксама ён сумесна з прарасійскай актывісткай Вольгай Бондаравай «выкрываў хлусню і маніпуляцыі Марзалюка (Ігар Марзалюк — дэпутат, доктар гістарычных навук. — Заўв. рэд.)» пра Курапаты. Плавінскі — чалец Кампартыі Беларусі.

Каментары17

  • Жвір
    20.06.2023
    О! Зачыняй кран пакуль чысьціш зубы ! Ну, гэта, як для мяне, зусім. Што ж Спандж Боба нельга не паслухаць, я яго столькі пераглядзеў некалі, маленькая дачка "прымушала", каб глядзёў разам зь ёй. Пазытыўны ён чувак, скажу я вам... :))
  • Руслан
    20.06.2023
    Только скрытый гей, глядя на кирпич (например), видит в нём нетрадиционного ...
  • Государство импотент
    20.06.2023
    Когда государство импотент в производстве микросхем, чипов, станков, технологии, автомобилей, не может развивать медицину, не имеет передовой системы образования, не имеет системы социальной защиты, не обеспечивает базовые права и свободы, тогда государство занимается извращённым сексом с своими гражданами. Ведь это намного проще и нагляднее, чем обеспечить вышеперечисленное.

Замах на Дональда Трампа: у яго стралялі ў час выступу ў Пенсільваніі

Замах на Дональда Трампа: у яго стралялі ў час выступу ў Пенсільваніі

Усе навіны →
Усе навіны

У Салігорскім раёне знайшлі вусеня вельмі рэдкага матылька. Чаму мы так рэдка яго бачым?3

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

больш чытаных навін
больш лайканых навін

Замах на Дональда Трампа: у яго стралялі ў час выступу ў Пенсільваніі

Замах на Дональда Трампа: у яго стралялі ў час выступу ў Пенсільваніі

Галоўнае
Усе навіны →