«На злодзеі і шапка гарыць». Лукашэнка выказаўся пра падрыў Кахоўскай ГЭС
Аляксандр Лукашэнка на сустрэчы з сакратарамі саветаў бяспекі дзяржаў — сяброў АДКБ выказаўся наконт падрыву Кахоўскай ГЭС, як перадае БЕЛТА. І прадказальна абвінаваціў Украіну.
«Вы, думаю, здагадваецеся, хто ўзарваў Кахоўскую ГЭС. Кажуць, на злодзеі і шапка гарыць. Хто першым пра гэта закрычаў? — задаў пытанне Лукашэнка. — Зразумела, што ўкраінскаму боку трэба было схаваць тры дні «контрнаступу», дзе амаль дзве сотні бронемашын знішчылі і больш за 2 тысячы чалавек загінулі (Лукашэнка распаўсюджвае інфармацыю Мінабароны РФ — НН). Таму Кахоўка, Кахоўка, а пра тое [страты пры спробе контрнаступлення] ніхто не кажа. А гэта ж усё відаць», — сказаў Лукашэнка.
«І вы бачыце, якую акуратную, асцярожную пазіцыю занялі ЗША, — працягнуў Лукашэнка. — Абавязаны аддаць ім належнае. Яны адразу сказалі: «Мы пакуль не можам сказаць, хто гэта зрабіў. Мы павінны разабрацца». Падумайце, з чаго б гэта?»
У ноч на 6 чэрвеня выбухам была знішчаная Кахоўская ГЭС. Сотні мястэчак аказаліся ў зоне затаплення. Пачалася эвакуацыя жыхароў небяспечных раёнаў.
Кіеў і Масква вінавацяць адно аднаго. Белы дом заявіў, што РФ адказная за разбурэнне Кахоўскай ГЭС: яе разбурэнне было б немагчымым, калі б расійская армія не ўварвалася ва Украіну.
Што азначае загадкавы код R99 у прычынах смерці Уладзіміра Макея і Вітольда Ашурка?5
Каментары