Грамадства1212

«Гэта мішэнь для ўдару ў адказ». Ціханоўская выказалася з нагоды планаў размясціць ядзерную зброю ў Беларусі

Святлана Ціханоўская запісала зварот з нагоды падпісання дакументаў аб размяшчэнні ядзернай зброі ў Беларусі. Лукашэнка, нагадаем, ужо заявіў, што пачалося перамяшчэнне ў Беларусь ядзерных боепрыпасаў.

Святлана Ціханоўская. Скрын відэазвароту

«Яшчэ два месяцы таму дыктатары заяўлялі толькі пра намер размясціць у Беларусі расійскую ядзерную зброю — а ўжо сёння яны падпісалі пра гэта дакументы.

Ядзерная зброя — ніякі не «парасон», які абароніць ад небяспекі. Гэта ў першую чаргу мішэнь, цэль для ўдару ў адказ. Гэта наўпрост пагроза здароўю і жыццям беларусаў. Беларусаў, якія супраць размяшчэння ядзернай зброі ў сваёй краіне. Але дыктатары ж не пыталіся іх меркавання», — кажа ў звароце Святлана Ціханоўская.

Размяшчэнне ядзернай зброі ў нашай краіне ўзмоцніць і без таго велізарны кантроль Расіі над Беларуссю, падкрэслівае лідарка дэмакратычных сілаў.

«Гэту зброю складана будзе вывесці, яна можа стаць прадметам гандлю і агрэсіі з боку Расіі. Лукашэнка гэта разумее, але яму ўсё роўна, што будзе з нашай краінай у будучыні. Наступствы гэтага будуць гадамі разграбаць беларусы.

У 1990 гадах мы з вамі зрабілі свой выбар, адмовіўшыся ад ядзернай зброі і вывеўшы яе з нашай краіны — без якіх-небудзь умоў. Таму што беларусы вывучылі ўрокі гісторыі і не хочуць другога Чарнобыля на сваёй зямлі. Мы з вамі як ніхто ведаем цану міру і бяспекі. Ужо цяпер мір і бяспека кожнага з нас пад пагрозай».

Ціханоўская дадае, што галоўная мэта дэмакратычных сілаў — цалкам пазбавіць Беларусь ад расійскага ўплыву.

«Выйсці з АДКБ і Саюзнай дзяржавы — нам не патрэбныя саюзы, якія руйнуюць нашу краіну, супярэчаць нашым нацыянальным інтарэсам і ставяць пад пагрозу нашы жыцці. Беларусь павінна пазбавіцца ад такіх саюзаў і будаваць новыя, дзе шануецца жыццё, свабода і правы кожнага чалавека. Мы павінны дамагчыся вываду расійскіх войскаў і закрыцця іх вайсковых аб'ектаў на тэрыторыі сваёй краіны», — адзначыла яна. 

Каментары12

  • не такі як ёсць
    25.05.2023
    Менш словаў, спадарыня Прэзідэнтка, а больш дзеянняў. Хутка 1.5 года як ідзе вайна і не за гарамі год як вы стварылі пераходны кабінет. Бяда ў тым, што не зразумела хто куды пераходзіць, навошта ён і што вы там сабе думаеце.
  • Гомель
    25.05.2023
    Подписываюсь под каждым словом. Лукашенко продал Беларусь с потрохами, российские войска, которые находятся в нашей стране, подчиняются напрямую кремлю, а сейчас еще и ядерное оружие завезут, которое также будет контролировать Москва, а какие там неадекваты, готовые развязывать кровавые войны, мы хорошо увидели за последние полтора года. Москва может совершить очередную провокацию, подставив под удар всю нашу страну, весь народ, что Чернобыль покажется цветочками. Доруководился да такой степени, что страна уже стала придатком Рф, напичкав страну российскими ядерными боеголовками, ядерные реакторы тоже российские (непонятного качества), в Чернобыльской зоне (в Гомельской области) российские войска до сих пор находятся. Народ никогда не простит Лукашенко этого!
  • Freddy
    25.05.2023
    мение часного лица ниkого не интересует.  

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Усе навіны →
Усе навіны

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

больш чытаных навін
больш лайканых навін

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Галоўнае
Усе навіны →