У Гродне ў рацэ вылавілі рэдкую чырванавухую чарапаху. Яна жыве толькі ў ЗША і Мексіцы
Такіх чарапах заводзяць дома, аднак для іх патрабуюцца пэўныя ўмовы.
Фота: Леанід Шчаглоў / БелТА
У Гродне ў рацэ Гараднічанцы дзеці знайшлі чырванавухую чарапаху, піша БелТА.
Гэты від чарапах найчасцей жыве ў ЗША і Мексіцы, а вось для Беларусі яны лічацца чужародным відам. З часам чарапаха ператвараецца ў даволі буйную жывёлу. Так, даўжыня панцыра можа дасягаць ад 18 да 30 сантыметраў.
Фота: Леанід Шчаглоў / БелТА
Такіх чарапах заводзяць дома, аднак для іх патрабуюцца пэўныя ўмовы. Да прыкладу, з-за памераў жывёл неабходныя вялікія акварыумы з фільтрамі, а таксама з падагрэвам. Нярэдка чарапах выпускаюць у адкрытыя вадаёмы, таму што зімы цяпер даволі мяккія. Яны добра адаптуюцца і жывуць у мясцовых рэках.
Фота: Леанід Шчаглоў / БелТА
Каментары