Грамадства2222

Сокалава-Воюша не пазнаць. Што стала са знаным бардам 1980-х?

У 1990-я ніводны мітынг не абыходзіўся без барда Сержука Сокалава-Воюша і яго песень. Цяпер ён выглядае як Купалаў Гусляр. Усяму віной — вайна ва Украіне. 

Сяржук Сокалаў-Воюш на вечарыне да сёлетняга Дня Волі. Фота: Алесь Пазняк

З фотаздымкаў 1980-х Сяржук Сокалаў-Воюш глядзіць з бела-чырвона-белай стужкай на галаве ды вечнай сваёй спадарожніцай, гітарай.

Яго канцэртаў у Беларусі даўно не было, але песні застаюцца ў хованках калекцыянераў ды інтэрнэце. Сам Сокалаў-Воюш зрэдку з’яўляецца беларускаму свету, бо не мае акаўнтаў у сацыяльных сетках.

Сяржук Сокалаў-Воюш у 1990-я. Фота: vytoki.net

Днямі ён удзельнічаў у віленскай вечарыне, прысвечанай Ларысе Геніюш. На фота з яе Сокалава-Воюша не пазнаць.

Музыкантка Таццяна Грыневіч, якая апублікавала ў фэйсбуку здымак, сказала, што «Сяржук перастаў галіць бараду, як пачалася вайна, а калі скончыцца, адразу ж зголіць».

З барадой Сокалаў-Воюш падобны да Купалавага Гусляра.

«Барада — мая ўнутраная салідарнасць з часткова барадатымі цяпер каліноўцамі, якая пайшла ад салідарнасці з азоўцамі», — тлумачыць Сокалаў-Воюш.

Даўжыня барады роўная працягласці вайны, кажа ён.

«Не галюся ад першага дня вайны. Пераможам — згалю, — абяцае суразмоўца. — А яшчэ ёсць такі чыннік, як брак часу. Ледзь паспяваю сачыць за навінамі і пісаць».

Паэт Сяржук Сокалаў-Воюш у нашы дні. Фота: Славамір Сокалаў

На яго погляд, вайна ва Украіне была непазбежнай.

«Для мяне свет не змяніўся, — адзначае ён. — Усё, што гадамі думаў пра маскоўшчыну, спраўдзілася, прыйшло. Крыху больш спадзяваўся на беларусаў — крыху і памыляўся».

Беларускі бард спадзяваўся, што «дома былі людзі, здольныя ўзначаліць пратэсты».

«Я спадзяваўся, што ёсць нейкі план перамогі, а быў толькі план паразы. Калі мы думаем, што кроў палеглых толькі на руках рэжыму — гэта памылка. Кроў і на руках тых, хто гэтыя пратэсты здаў», — заяўляе паэт.

Сяржук Сокалаў-Воюш лічыць, што з Беларуссю нічога надзвычайнага не адбываецца.

«А што мусіла б? Калі яна была іншай? На маёй памяці — не. Усё заканамерна, усё лагічна. Усё, як заўсёды», — падкрэслівае ён.

Сяржук Сокалаў-Воюш нарадзіўся на Полаччыне. У яго падвоеным прозвішчы захаваны бацькаў і матчын пачатак.

«Вершы пачаў пісаць у 8 ці 9 гадоў, — згадвае ён. — А песні… Была патрэба спяваць нешта беларускае, простае, нескладанае, ля вогнішчаў, падчас вандровак ці пры сяброўскім стале. Паўсюль жа панавала маскоўшчына, або вельмі якасная беларушчына («Песняры»), на якую варта было мець хаця б голас».

Сяржук Сокалаў-Воюш просіць не называць яго музыкам, бо ім не ёсць. 

«Я паэт, — настойвае ён. — Я ведаю ўсяго тры акорды і не маю музычнага слыху. Калі б нехта тады пісаў і спяваў патрэбныя тэксты — я нічога падобнага не рабіў бы».

Сяржук Сокалаў-Воюш працаваў на заводзе, служыў у савецкім войску, настаўнічаў, быў навуковым супрацоўнікам у музеі Якуба Коласа ў Мікалаеўшчыне. Працаваў у лялечнай трупе Беларускага дзяржаўнага акадэмічнага тэатра імя Якуба Коласа.

Сяржук Сокалаў-Воюш на мінскім стадыёне «Дынама» ў 1989 годзе. Фота: Tut.by

У 1991 годзе перабраўся ў сталіцу Чэхіі і там стаў працаваць у беларускай службе «Радыё Свабода». Цяпер жыве з сям’ёй у Нью-Ёрку. Ягоная жонка — амерыканская беларуска, якая нарадзілася і вырасла ў ЗША. Мае трох сыноў — Станіслава, Светавіта і Славаміра.

Сяржук Сокалаў-Воюш працягвае складаць беларускія творы і ў далечыні ад Беларусі.

«Пішацца шмат усяго і кожны дзень, — адзначае ён. — Вершы, песні, пераклады, проза. Выступаць асабліва няма дзе. Беларускія мітынгі ці пікеты тут рэдкасць. Калі нешта бывае і мяне запрашаюць — не адмаўляю».

«Хаця, — дадае суразмоўца, — маю нізку песняў «Граблі» з крытыкай некаторых дзеячаў старой эміграцыі. Часам запрашаюць і просяць гэтых песняў не спяваць. Таму, бывае, даводзіцца адмаўляцца ад выступу».

Апошні раз спяваў у Беларусі больш як 10 гадоў таму. Гэта адбылося ў беларускім летніку пад Наваградкам пры вогнішчы.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Бард Андрэй Мельнікаў: Заставацца ў Беларусі стымулюе сорам перад людзьмі, якія абралі варыянт сядзець

Беларускія 90-я. Рок адусюль, беларуская мова, бчб на БТ — якім быў шоўбіз і тагачасныя медыя?

Сяржук Сокалаў-Воюш дабрачынным канцэртам сабраў 1860 даляраў для параненых украінскіх вайскоўцаў

Каментары22

  • Зайчык
    16.04.2023
    Хай паважаны Сяржук Сакалоў-Воюш прыедзе ў Беларусь і ачоліць супраціў, не разважае пра яго з-за мяжы.
  • Ганьба
    16.04.2023
    Пры ўсёй вялікай павазе, ці не яшчэ адзін чалавек, які пакрыўдзіўся на беларусаў, бо яны не перамаглі ў 20-ым? Калі так, то пошла.
  • мясцовы2
    16.04.2023
    Ганьба, хіба ён не мае рацыю, што мы самі вінныя ў тым, што не супраціўляліся гвалту сьлепа паверыўшы "лідарам", што "рэжым хутка рухне"?

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў1

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Усе навіны →
Усе навіны

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам5

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе3

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне21

больш чытаных навін
больш лайканых навін

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў1

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Галоўнае
Усе навіны →