У Беларусі імя і прозвішча зараз можна ў пашпарце змяніць на псеўданім
Беларусы могуць афіцыйна змяніць імя і прозвішча на псеўданім. Пра гэта гаворыцца ў пастанове Саўміна ад 27 лютага 2023 г. № 155.
![](http://d3kcf2pe5t7rrb.cloudfront.net/img/w732d4webp1/photos/z_2023_01/nashaniva-sh-1-p94t9.jpg.webp)
У пункт, які змяшчае прычыны, якія дазваляюць атрымаць афіцыйны дазвол на змену прозвішча, імя або імя па бацьку, дададзены яшчэ адзін: жаданне насіць прозвішча, імя ў адпаведнасці з псеўданімам, які выкарыстоўваецца.
Раней у пастанове былі зафіксаваныя такія прычыны для змены імя і прозвішча, як немілагучнасць або цяжкасць вымаўлення імя, прозвішча або імя па бацьку, жаданне насіць агульную з мужам прозвішча або вярнуць дзявочае прозвішча пасля разводу, жаданне насіць прозвішча айчыма (мачахі) або імя па бацьку па імені айчыма (у выпадку, калі ўсынаўленне не магло быць аформлена), а таксама жаданне насіць прозвішча, імя і імя па бацьку, адпаведныя абранай нацыянальнасці.
Каментары
Ні парадак ў вашым Дацкім Каралеўстве