Шмат хто любіць пачынаць раніцу з кубка цёплай духмянай кавы. Калі мы яе выпілі, звычайна мы выкідаем кававую гушчу ў сметніцу, але насамрэч гэта неправільна. Што яшчэ можна зрабіць з гушчай?
Ачысціць ёй посуд
Кававая гушча мае абразіўныя ўласцівасці, таму яна добра спраўляецца з засохлым тлушчам. Проста нанясіце трошкі гушчы на губку для мыцця посуду і асцярожна патрыце посуд, і вы ўбачыце вынік. Не турбуйцеся, што гушча пашкодзіць посуд, бо яна дужа мяккая, піша obcasy.pl.
Прыбраць непрыемныя пахі
Хтосьці любіць моцны пах кавы, а камусьці ад яго дрэнна. Але ж дакладна вядома, што гэты пах дапамагае маскіраваць іншыя і менш прыемныя пахі.
Калі ў вас у халадзільніку дрэнна пахне, высыпце на талерку або міску кававую гушчу і пастаўце яе туды. Таксама можна крыху падсмажыце кававае зерне на патэльні, каб у вас ва ўсім доме прыемна пахла любімым напоем. Калі ж у вас дрэнна пахнуць рукі — напрыклад, пасля гатавання страваў з рыбай ці часнаком — дадайце крыху гушчы ў вадкае мыла і вымыйце ім рукі.
Выкарыстаць як угнаенне для раслін
Каб хатнія расліны былі здаровыя, змяшайце глебу ў вазонах з кававай гушчай. Гэтак вы і палепшыце адыход вады ў вазоне, і адпужнеце насякомых. Таксама такая глеба будзе добрай крыніцай мінеральных рэчываў накшталт фосфару, калію і азоту, якія звычайна ўваходзяць у склад угнаенняў. Але не варта сыпаць у вазон занадта шмат гушчы, і не забывайце, што яна не здолее цалкам замяніць спецыяльныя ўгнаенні.
Ці як касметычны пілінг
Кававы пілінг — папулярны спосаб добра ачысціць скуру і стымуляваць у ёй крываток. Таксама ён дапамагае ў барацьбе з цэлюлітам і павышае пругкасць скуры. Вы можаце выкарыстаць для пілінгу кававую гушчу з невялікай колькасцю вады, а таксама дадаць туды трохі аліўкавага алею, какосавага масла ці карычневага цукру. Якая б сумесь у вас не атрымалася, трэба ўцерці яе ў скуру і змыць, а потым нанесці на цела крэм.
Паласкаць кававай гушчай валасы
У каве ёсць рэчывы, якія дапамагаюць зрабіць цёмныя валасы яшчэ цямнейшымі, таму паласканні валасоў гушчай спрыяюць лепшаму колеру і бляску вашай прычоскі. Для бландынак гэтая працэдура не падыдзе, але калі ў вас цёмныя валасы, трымайце рэцэпт. Змяшайце выкарыстаную кававую гушчу і ваду ў прапорцыі 1:4, нагрэйце сумесь да кіпення і астудзіце. Працадзіце сумесь і паласкайце валасы вадкасцю, што ў вас атрымалася, 3 разы на тыдзень.
Ці можна піць каву на пусты страўнік?
Кафеін робіць чалавека больш схільным да трат. Вось як гэта працуе
Чатыры спосабы зрабіць сваю каву больш карыснай
Здаюць у арэнду катэдж загінулага хакеіста Цыплакова ў Драздах. Вось інтэр'еры ФОТЫ21
Каментары