«Незалежных Украіны і Беларусі быць не павінна» — Шольц расказаў пра словы Пуціна перад вайной
Уладзімір Пуцін напаў на Украіну па «абсурдных» прычынах і заяўляў, што Украіна і Беларусь не павінны быць асобнымі дзяржавамі. Пра гэта распавёў канцлер Германіі Олаф Шольц у дзень адчыненых дзвярэй у сваёй канцылярыі, перадае Welt.
Шольц сказаў, што напярэдадні вайны спрабаваў пераканаць Пуціна, што НАТА не вораг Расіі.
«НАТА ніколі не ўяўляла пагрозы для Расіі», — сказаў ён на абвінавачванні Пуціна, што краіны — члены альянса нібыта не клапаціліся пра інтарэсы Расіі.
Шольц распавёў, што перад 24 лютага ён запэўніў Пуціна, што ўступленне Украіны ў НАТА не адбудзецца «ў найбліжэйшыя 30 гадоў».
Ён заявіў, што ў Пуціна «цалкам абсурдныя» ідэі, і ён казаў, што незалежных Украіны і Беларусі быць не павінна.
«Гэта вайна, якую Пуцін, Расія пачала, відавочна, з намерам заваяваць суседнюю краіну. Я думаю, што гэта было першапачатковай мэтай», — сказаў Шольц.
Канцлер заявіў, што ў Пуціна была ідэя правесці маркерам па еўрапейскім ландшафце, а затым сказаць: «Гэта маё, а гэта ваша». І дадаў, што «гэта так не працуе».
Пры гэтым нямецкі канцлер заявіў, што не будзе спыняць дыялог з Пуціным, і важна «не дазваляць сябе запалохаць».
Двайнікі вядомых беларусаў. І не кажыце, што не задумваліся пра іх падабенства12
Каментары
Тохтамыш пунька со своими осклизлыми мечтами о возрождении совка или поганой «российской империи» —Враг любому украинцу и беларусу.
Рейх должен быть разрушен.