Расія перажыве адсутнасць амерыканскай газіроўкі Coca-Cola, ёй неабходна, каб яе нацыянальныя інтарэсы паважалі, заявіў пасол Расіі ў Вашынгтоне Анатоль Антонаў.
«Па вялікім рахунку, нам трэба няшмат ад ЗША. Нам трэба прызнанне нашых нацыянальных інтарэсаў, павага і гатоўнасць весці з намі дыялог на раўнапраўнай узаемапаважлівай аснове. Бегаць мы ні за кім не будзем. Пражывём, вядома, без Coca-Cola, у нас напоі значна смачнейшыя», — сказаў ён.
Кампанія Coca-Cola, якая пастаўляла ў Расію аднайменную газіроўку, а таксама напоі іншых брэндаў, вырашыла сысці з яе рынку ў чэрвені. У пачатку сакавіка яна прыпыніла працу ў Расеі.
Рэстараны фастфуду і іншыя ўстановы грамадскага харчавання, у меню якіх былі прадстаўлены гэтыя напоі, пачалі замяняць іх аналагамі.
Каментары
Не нужна нам Кола и технический прогресс.
Пока есть нефть и газ,
в Кремле будут жить хорошо!