Пінскага правабаронцу пасля затрымання пазбавілі апякунства над хворым братам
Паводле слоў пінскага праваабаронцы Алеся Рамановіча, 6 жніўня ён атрымаў ліст з паведамленнем, што прынята рашэнне аб пазбаўленні яго права на апякунства, піша тэлеграм-канал «Позірк».
![](http://d3kcf2pe5t7rrb.cloudfront.net/img/w732d4webp1/photos/z_2022_08/photo_2022-08-07_06-11-06-u5wc8.jpg.webp)
«Камісія прыехала дадому, калі я быў у ІЧУ, — паведаміў Рамановіч. — Знайшлі, што я не знаходжуся з братам, гэта стала падставай для таго, каб вынесці на разгляд пытанне пазбаўлення апякунства».
Па палітычна матываваных справах у пачатку жніўня ў Пінску арыштавалі або аштрафавалі 11 чалавек. Рамановіч быў таксама затрыманы, а пасля суда аштрафаваны на 30 базавых велічыняў (960 рублёў).
Каментары