Грамадства1111

«Лукашэнка разлічвае не на грошы, а на адмену санкцый і прызнанне яго перамогі». Вячорка аб прапанове выкупіць палітвязняў і іншых прэтэнзіях

У нядаўнім стрыме Валерый Цапкала раскрытыкаваў дзейнасць Святланы Ціханоўскай і яе офіса. А для вызвалення палітвязняў прапанаваў свой сцэнар: выкупіць іх у Лукашэнкі за грошы. Дарадца Святланы Ціханоўскай Франак Вячорка адказвае на гэту ідэю.

Валер Цапкала і Франак Вячорка.

«Не ўяўляю, што маецца на ўвазе пад «выкупіць палітвязняў». Лукашэнка ж разлічвае не на грошы, а на адмену санкцый і прызнанне яго перамогі. Калі першае і магчыма пры вызваленні ўсіх, то прызнанне яго прэзідэнтам — не. І мы ўсё роўна ўпрэмся ў новыя выбары. Лукашэнка баіцца выпусціць нават хворых і старых, а ААН яму прапаноўвалі: пра які выкуп можа ісці гаворка?

Увогуле, размовы пра нейкі гандаль палітвязнямі гучаць не зусім этычна. Якія ўгоды мы можам рабіць з Лукашэнкам? Няма ніякай гарантыі, што ён выканае сваю частку. Няма ніякай гарантыі, што ён не набярэ новых [палітвязняў]. Усе павінны быць вызваленыя. І мы павінны стварыць умовы, пры якіх паўтор рэпрэсій стане немагчымы, і выйсці з замкнёнага кола», — пракаментаваў Вячорка.

Грошы і камунікацыя з іншымі дэмакратычнымі прадстаўнікамі

Цапкала ў стрыме сярод іншага ўздымаў пытанні грашовых расходаў і палітыкі з ігнараваннем яго лініі, у тым ліку Форума дэмакратычных сіл, агучыў сумнеў наконт абазначэння Святланы Ціханоўскай і яе каманды ў якасці галоўных дэмакратычных лідараў. Дарадца Ціханоўскай адказаў на гэтыя прэтэнзіі.

«Наконт грошай: Офіс не распараджаецца і не размяркоўвае замежную дапамогу. Яна ідзе праваабаронцам, бізнэсам, універсітэтам, журналістам, актывістам. Як правіла, праз імплементараў, на якіх мы таксама не можам мець уплыву (так іх дзейнасць абаронена ад умяшальніцтва палітыкаў).

Мы можам агулам лабіяваць павялічэнне падтрымкі, што мы і робім. Наконт расходавання: мы самі зрабілі запыт у Брусэль, чакаем дэталізацыі, што куды патрачана. У іх хапае сваіх кантрольных органаў, і справаздачы публікуюць на сайтах. Сама дзейнасць Офіса ў Літве вывучаецца пад мікраскопам, рознымі праверкамі і падатковымі. Да нас патрабаванні большыя, чым да каго, і злоўжыванні немагчымыя. Мы ашчадна вядзём дзейнасць.

У супрацоўнікаў сярэднія па Літве зарплаты, і мы пераехалі ў меншы па памеры офіс. Прычым частку офіса займаюць прадстаўнікі розных ініцыятыў і арганізацый: мы дзелім з імі тэхніку і студыю. 

Што наконт камунікацыі з іншымі. Ціханоўская з Валерам і Веранікай Цапкала за апошнія некалькі месяцаў мінімум тройчы ездзілі ў замежныя паездкі. І з Паўлам Латушкам, і з сястрой Марыі Калеснікавай — Таццянай Хоміч. Пастаянна адбываюцца званкі праз зум палітычных лідараў. Ціханоўская сама праводзіць паседжанні аргкамітэту, дзе сабраныя розныя палітычныя групы. Праводзіць сустрэчы з Каардынацыйнай Радай. Можна каго заўгодна абвінаваціць у дыктатуры, але не Ціханоўскую, якая сядзіць і па вечарах сама адказвае людзям у інстаграме пра візы і пра тое, калі мы пераможам». 

Канферэнцыя «Новая Беларусь» усіх прымірыць?

8—9 жніўня ў Вільні была анансавана канферэнцыя «Новая Беларусь», якая мусіць сабраць усе дэмсілы ў адным месцы для дыскусіі. 

«Вы казалі «збярыцеся разам і дайце голас усім» — і мы разам з партнёрамі, Каардынацыйнай Радай, BYPOL, НАУ, палітыкамі, грамадзянскімі ініцыятывамі, бізнэсамі, аналітыкамі і незалежнымі экспертамі збярэмся разам на Канферэнцыю Новай Беларусі. Мы будзем размаўляць адно з адным адкрыта, паказваць вынікі працы, спрачацца пра рэальныя планы», — анансавала Святлана Ціханоўская. 

Франак Вячорка пацвердзіў, што Валер і Вераніка Цапкалы ўжо пацвердзілі свой удзел у канферэнцыі:

«Запрошаныя спадары Пракоп'еў, Латушка, Шчыгельскі.

У аргкамітэт уваходзяць НАУ, Партыя «Разам», «Супраціў», «Байпол», Нацыянальная платформа і іншыя. Кожны дзень сазвоны. Усе ўдзельнічаюць, спрачаюцца. І гэта нармальна.

Скрыншот са старонкі Веранікі Цапкала ў фэйсбуку.

Увогуле, спрачацца нармальна. Свабода слова, звычайны працэс. Ведаеце, у нас так шмат год не было палітычнай дыскусіі — і вось яна нараджаецца. Галоўнае абысціся без абразаў і хамства. Пакінем гэта Лукашэнку».

Чытайце таксама:

«Што да выкупу палітвязняў, то ідэя не новая. Так рабіла ФРГ у часы ГДР»

Зянон Пазняк: Пазнаёмлюся з Ціханоўскай, калі яе арыштуюць у вольнай Беларусі

Каментары11

  • Lićvin
    26.07.2022
    Я ня ведаю што здарылася з Вячоркам але ён гісторыю Беларусі добра ведае, ня ведаць сапраўднае кіраўніцтва ў выгнаньні і працаваць з самазванцамі якія як і ў Беларусі ніхалеры для беларусаў ня робяць... Проста няма слоў
  • Lićvin
    26.07.2022
    Частный детектив, ?
  • Ivan
    26.07.2022
    Якія міжнародныя паездкі з Цапкалам могуць быць? Куды былі гэтыя паездкі? Наколькі змянілася яго пазіцыя датычна Расеі і расейскай мовы на Беларусі?
    Цапкала таксічны для сумеснай працы.

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі13

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

Музыка Ігар Банцар ужо каля года бамжуе ў Варшаве ФОТЫ30

У Петрыкаўскім раёне мужчына некалькі гадоў гуляў з судовымі выканаўцамі ў даганялкі. Але ўрэшце прайграў1

«Дзякуй вам за сына Мікалая». Боты атрымалі новую метадычку адносна Абельскай22

Стала вядома, хто абараняў Рыка Крыгера2

Як Байдэн прымаў рашэнне адмовіцца ад удзелу ў выбарах прэзідэнта ЗША. Хроніка выходных1

Расійскі след у шалёна папулярнай гульні Hamster Kombat усё больш відавочны1

На якіх умовах беларусы могуць атрымаць грамадзянства Іспаніі, Партугаліі, Германіі і іншых краін13

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк6

Ілюстратарку з Брэста асудзілі за данаты палку Каліноўскага на шэсць гадоў

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі13

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →