EPAM сыходзіць з Расіі і спыняе ўсе аперацыі ў краіне. Пра гэта СЕO кампаніі Аркадзь Добкін паведаміў у лісце супрацоўнікам. Прычына: вайна ва Украіне, паведамляе Dev.by.
![](http://d3kcf2pe5t7rrb.cloudfront.net/img/w732d4webp1/photos/z_2022_04/56fceeaa2bbebc16bdb24679015834f6-ued3a.jpg.webp)
«Паважаныя калегі, вайна на Украіне, распачатая расійскім урадам, прынесла трагічную і немагчымую рэальнасць народу Украіны, усяму свету і EPAM. Гэтая агрэсія спусташальная, і мы самым рашучым чынам яе асуджаем, — напісаў Аркадзь Добкін.
4 сакавіка мы абвясцілі аб сваім рашэнні спыніць абслугоўванне кліентаў у Расіі. Пасля пільнай ацэнкі нашай дзейнасці за апошнія чатыры тыдні і кансультацый з нашымі кліентамі і партнёрамі па ўсім свеце, мы вырашылі спыніць усе аперацыі EPAM ў гэтай краіне.
Гэта адбудзецца паэтапна на працягу наступных трох месяцаў у цесным супрацоўніцтве з нашымі супрацоўнікамі і кліентамі. І ў поўнай адпаведнасці з усімі законамі», — напісаў Добкін.
![](http://d3kcf2pe5t7rrb.cloudfront.net/img/w732d4webp1/photos/z_2022_04/dobkin220408-hl78x.jpg.webp)
Па апошніх звестках, офісы EPAM ў Расіі ёсць у Маскве, Санкт-Пецярбургу, Саратаве, Валгаградзе, Ніжнім Ноўгарадзе, Іжэўску, Разані, Самары, Цверы, Краснадары, Тальяці.
Па дадзеных РБК, у 2021 годзе ў Расіі ў EPAM працавалі 6190 чалавек.
Каментары