У Вашынгтоне, у Белым доме, адбылася сустрэча прэзідэнта ЗША Джо Байдэна і кіраўніка Еўракамісііі Урсулі фон дэр Ляен.
![](http://d3kcf2pe5t7rrb.cloudfront.net/img/w732d4webp1/photos/z_2021_11/6d7e386b-6c3f-4de9-937e-07540a87abba_w1023_r1_s-uzt8n.jpg.webp)
Архіўнае фота AFP
Адказваючы на пытанне журналістаў аб крызісе на беларуска-польскай мяжы, фон дэр Ляен пагадзілася з Байдэнам у пытанні магчымага ўвядзення санкцый супраць авіякампаній, якія ажыццяўляюць транспарціроўку мігрантаў у Мінск, піша «Голас Амерыкі».
Па словах кіраўніка Еўракамісіі, санкцыі супраць Мінска будуць пашыраныя. Яна падкрэсліла, што гэтыя санкцыі будуць накіраваныя як супраць асобных асоб, так і супраць шэрагу структур.
У сераду пра ўзмацненне ціску на афіцыйны Мінск у выпадку, калі Беларусь будзе парушаць свае міжнародныя абавязкі і падрываць бяспеку ў Еўропе, заявіў дзяржсакратар ЗША Энтані Блінкен.
Каментары