10 красавіка памерла беларускі мастацтвазнаўца Арыядна Ладыгіна. Ёй было 94 гады, паведамляе Tut.by са спасылкай на краязнаўцу Вадзіма Зелянкова.
Арыяндна Ладыгіна нарадзілася 2 сакавіка 1927 года ў Мінску ў сям'і інжынера Барыса Ладыгіна і Арыядны Александроўскай, сястры знакамітай беларускай опернай спявачкі Ларысы Александроўскай.
![](http://d3kcf2pe5t7rrb.cloudfront.net/img/w732d4webp1/photos/z_2021_04/ariandna_ladygina3-7f6ow.jpg.webp)
Скончыла Маскоўскую кансерваторыю. Выкладала ў Саратаўскай музычнай школе, у Маскоўскай і Казанскай кансерваторыі.
З 1958 года працавала ў Інстытуце гісторыі мастацтваў, этнаграфіі і фальклору Акадэміі навук Беларусі (загадвала сектарам музыкі), з 1963 года — у Беларускай акадэміі музыкі (тады кансерваторыя), дзе загадвала кафедрай грамадскіх навук.
Абараніла доктарскую дысертацыю па філасофіі.
Аўтар шэрагу кніг па мастацтве, а таксама працы «Ларыса Пампееўна Александроўская: дакументальна-тэатральны раман».
Каментары