У Вялікім тэатры адбудзецца штогадовы Навагодні баль. Як ён падладзіцца пад пандэмію?
Навагодні баль у Вялікім, дзе наведвальнікі ў даўгіх сукенках і фраках танцуюць вальсы і кантрдансы, сёлета пройдзе ў дванаццаты раз. Імпрэза традыцыйна адбываецца ў ноч на 14 студзеня.
Праз пандэмію каранавіруса ў продаж была пушчана абмежаваная колькасць квіткоў — паводле інфармацыі прэс-службы Вялікага, на сёння іх прададзена крыху больш за пяцьдзясят працэнтаў ад лічбы мінулага года.
Да таго ж асноўныя падзеі перанесены на галоўную сцэну, што дазваляе вялікай адлегласцю аддзяліць удзельнікаў балю ад гледачоў. «Гэтым разам баль будзе праходзіць не ў фае, дзе ў мінулыя гады было стоўпатварэнне: удзельнікі будуць выконваць танцавальную праграму на сцэне, а ў рамках яе будзе ісці канцэртная праграма. Мы спецыяльна прадугледзелі такі фармат, каб камфортна сябе адчувалі і гледачы ў зале, якія прыйшлі проста паглядзець, і ўдзельнікі балю, якім цяпер аддадзена ўся наша сцэна», — расказаў дырэктар Вялікага тэатра Аляксандр Пятровіч.
Колькасць квіткоў разлічана такім чынам, каб гледачы ў зале маглі сядзець на бяспечнай дыстанцыі. Для работнікаў тэатра, што маюць абслугоўваць гасцей, абавязковы масачны рэжым, тэатр таксама раіць наведвальнікам прыходзіць у масках. «Баль усё роўна як маскарад, таму маскі могуць быць рознага фармату, але прыходзіць без масак таксама не забараняем. Ніякай вялікай асцярогі мы не маем: працуем у тым жа рэжыме, у якім і працавалі», — кажа Аляксандр Пятровіч.
Зрэшты, фае таксама не будзе пуставаць: у антракце тут будзе іграць аркестр, а з васьмі гадзін запрацуюць забаўляльныя імпрэзы. Тэмай сёлетняга балю абвешчана гісторыя пра Спячую прыгажуню.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Памёр дзед Колі Лукашэнкі — былы вязень ГУЛАГа, асуджаны за дапамогу «бандэраўцам»9
Каментары