Назіральніка ад ініцыятывы «Сумленныя людзі» Івана Дубовіка, затрыманага 4 жніўня на ўчастку для галасавання №52 у Кастрычніцкім раёне Мінска, суд пакараў 10 суткамі адміністрацыйнага арышту. Пра гэта spring96.org паведаміла яго маці.
Суд Кастрычніцкага раёна Мінска абвінаваціў яго па арт. 23.4 КаАП у тым, што ён нібыта аказваў супраціўленне супрацоўнікам міліцыі на ўчастку для галасавання. Участковая камісія выклікала на яго міліцыю за тое, што ён ім уручаў лісты «За сумленныя выбары». На ўчастак для разбіральніцтва прыехалі адразу чатыры супрацоўнікі міліцыі.
«Вельмі шмат было грубых памылак у працэсе», — распавяла маці Івана.
Яго адразу адправілі адбываць пакаранне.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна12
Каментары