У бюджэт Беларусі з-за падзення аб'ёмаў нафтаперапрацоўкі і зніжэння экспарту калійных угнаенняў у першым квартале недапаступіла каля 350 мільёнаў рублёў ($143 мільёны па бягучым курсе), паведаміў прэм'ер Сяргей Румас, паведамляе Interfax.by.
«У першым квартале з-за пагаршэння ўмоў працы НПЗ і зніжэння аб'ёмаў і цэн экспарту калійных угнаенняў даходы бюджэту склаліся з некаторым адхіленнем ад плана: недапаступіла каля 350 мільёнаў беларускіх рублёў», — сказаў Румас.
На яго думку, у сувязі з рэцэсіяй у сусветнай эканоміцы магчымыя складанасці з фінансаваннем капітальных выдаткаў бюджэту ў гэтым годзе.
Прэм'ер падкрэсліў, што «сітуацыя з пандэміяй каранавіруса з'яўляецца адной з асноўных рызык, якія ўплываюць на эканоміку краіны».
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна12
Каментары