Работнік салона скраў на працы мабільнік і вынес яго пад выглядам смецця
У міліцыю звярнулася кіраўніцтва аднаго з салонаў сувязі: зніклі грошы і тэхніка на 700 рублёў.
Супрацоўнікі аддзела па барацьбе з эканамічнымі злачынствамі Цэнтральнага РУУС высветлілі, што да крадзяжу датычны 22-гадовы спецыяліст па продажах.
Цягам некалькіх месяцаў малады чалавек, прадаючы тавар пакупнікам, не праводзіў праз касу разліковыя аперацыі, а прысвойваў выручку. Таксама аднойчы, распакоўваючы скрынкі, наўмысна пакінуў у адной з іх мабільны тэлефон, які на наступны дзень вынес за межы гандлёвага аб'екта пад выглядам смецця.
Скрадзены тэлефон пасля прадаў на адным са сталічных рынкаў, а грошы патраціў.
Каментары