Jak adznačaje hałoŭny redaktar haziety Alaksiej Karol, uvaha da niezaležnaha aficyjna zarehistravanaha vydańnia ŭzrasła ciaham apošniaha tydnia.
U paniadziełak, 21 sakavika, adbyłosia adrazu niekalki incydentaŭ, źviazanych z raspaŭsiudam «Novaha času» ŭ Minsku i Słucku.
U Minsku ŭ rajonie Niamihi časova zatrymali adnaho z raspaŭsiudnikaŭ haziety. Da raspaŭsiudnika padyšoŭ padpałkoŭnik milicyi, potym padjechała milicejskaja mašyna, na jakoj chłopca advieźli ŭ Centralny RAUS. Praz peŭny čas jaho adpuścili biez składańnia pratakołu.
U toj ža dzień u Słucku nieviadomy, jakija nazvaŭsia supracoŭnikam milicyi, adabraŭ u siabroŭki vałanciorki «Novaha času» Zinaidy Cimošyk pakiet z 200 asobnikami vydańnia, jakija płanavałasia raspaŭsiudzić siarod žycharoŭ horada. Padstaŭ dla vymańnia haziet žančynie nie paviedamili, nijakich aktaŭ i pratakołaŭ nie składali.
Zinaida Cimošyk padała prakuroru Słuckaha rajona zajavu z prośbaj razabracca ŭ situacyi i pryniać miery prakurorskaha ŭździejańnia da supracoŭnika milicyi, jaki adabraŭ jaje majomaść.
Za tydzień da hetych padziejaŭ ofis redakcyi «Novaha času» naviedaŭ učastkovy milicyjant.
Jon patłumačyŭ, što pryjšoŭ u redakcyju z pravierkaj — z nahody zatrymańnia raspaŭsiudnika vydańnia. Učastkovamu zahadali pravieryć, ci sapraŭdy hazieta maje aficyjnuju rehistracyju i ci znachodzicca jaje ofis pa ŭkazanym u vychodnych dadzienych adrasie. Učastkovy taksama patelefanavaŭ u drukarniu, kab upeŭnicca, što «NČ» sapraŭdy tam drukujecca.
38-hadovaha vajskovaha lotčyka sudziać za abrazu Łukašenki2
Kamientary