Vyjšaŭ treci tom encykłapiedyi «Vialikaje Kniastva Litoŭskaje».
Vyjšaŭ treci tom encykłapiedyi «Vialikaje Kniastva Litoŭskaje». Tut u ałfavitnym paradku: źviestki ab najbolš značnych histaryčnych postaciach, kulturnych dziejačach, pravavych pomnikach VKŁ, jakija nie patrapili ŭ pieršyja dva tamy.
«U tom my taksama
ŭklučyli papularnuju ciapier hiendernuju tematyku — imiony i źviestki pra vialikich kniahin litoŭskich,— kaža adzin z redaktaraŭ vydańnia Jury Baženaŭ. — Nie zabylisia i pra zaciatych vorahaŭ Kniastva: na staronkach encykłapiedyi — dadzienyja pra ŭsich mahistraŭ Teŭtonskaha Ordena».
Jak i papiarednija tamy, hetaje vydańnie bahata ilustravanaje fotazdymkami, malunkami, kartami i płanami. Afarmlajučy jomisty tom, mastak Źmicier Hierasimovič, trymaŭsia raniejšaha kaceptu: partrety dziejačoŭ VKŁ uziaty vyklučna staradaŭnija, a voś architekturnyja słavutaści prezientujucca fotazdymkami abo rysunkami Napaleona Ordy.
Da treciaha toma encykłapiedyi jość niemałyja dadatki: heta teksty Kreŭskaj unii, Pryvilejaŭ i usie try redakcyi pravavoj asnovy siaredniaviečnaha haspadarstva — Statuta VKŁ.
U stvareńni fundamientalnaha daviednika ŭdzielničali navukoŭcy Instytuta historyi i Instytuta mastactvaznaŭstva, etnahrafii i falkłoru Akademii navuk.
Paŭnakroŭna knihu pradstavili ŭ stalicy Vialikaha Kniastva. Heta adbyłosia pry kancy lutaha na Vilenskim knižnym kirmašy. Na prezientacyju zavitała navat litoŭskaja prezidentka Dala Hrybaŭskajcie.
«Pakul reakcyi z boku litoŭskich śpiecyjalistaŭ na treci tom my nie majem, — dadaje Jury Baženaŭ. — Ale, niahledziačy na adroznyja traktoŭki historyi, pieršyja dva tamy litoŭcy acanili vysoka. Spadziajemsia, što naležna aceniać i treci».
Nakład encykłapiedyi dosyć vialiki — 3 tysiačy.
Knihu možna nabyć za 41 tysiaču (a cana za ilustravanaje , 694-staronkavaje vydańnie — pamiarkoŭnaja) ŭ kniharni «Encykłapiedyja», zavułak Kalinina, 16, druhi pavierch).
-
Archieołahi śćviardžajuć, što staražytny horad na Miency ŭźnik u kancy X stahodździa
-
Łukašenka atrymaŭ ad Rasii tuju ž uznaharodu, što i Muraŭjoŭ-Viešalnik. Chto jašče ź biełarusaŭ jaje atrymlivaŭ?
-
«Dla mianie hety zaniatak — nie kab pakłaści paštoŭku ci fotku ŭ šufladu». Jak i dla čaho krajaznaŭca nabyvaje staryja fatahrafii ź Biełarusi
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj30
Kamientary