Ministr handlu: U Biełarusi dola anłajn-handlu zajmaje 8-9%, u bujnych dziaržavach — 20-30%
Rost anłajn-handlu budzie, ale jon zaležyć ad spažyŭcoŭ, tłumačyć Alaksiej Bahdanaŭ.
Kolkaść tradycyjnych stacyjanarnych handlovych abjektaŭ i anłajn-kram u Biełarusi raście prykładna adnolkava. Pra heta raskazaŭ ministr antymanapolnaha rehulavańnia i handlu Alaksiej Bahdanaŭ u efiry «Biełaruś 1».
«Tut bačym tradycyjna bałans rostu i tam, i tam. Ale chaču adznačyć, što, viadoma, rynak anłajn-handlu budzie raści. My bačym, što ŭ bujnych dziaržavach hety rynak dasiahaje 20-30%. U nas na siońnia dola anłajn-handlu zajmaje 8-9%», — skazaŭ Alaksiej Bahdanaŭ.
Ministr adznačyŭ, što rost anłajn-handlu budzie, ale jon zaležyć ad spažyŭcoŭ. «Kali my pryvykli chadzić u kramu i tam pahladzieć, pakrucić, pamacać tavar, a potym pryniać rašeńnie ab jaho kupli, to budzie zapatrabavany i tradycyjny handal. Kali my budziem bolš prychodzić u ličbu, to, viadoma, budzie raści i ličbavy rynak anłajn-handlu», — dadaŭ jon.
Kažučy pra toje, ci pieraškadžajuć vialikija hipiermarkiety źjaŭleńniu kram krokavaj dastupnaści, Alaksiej Bahdanaŭ nahadaŭ, što ŭ krainie pravodzicca palityka najaŭnaści roznych hulcoŭ na adnym i tym ža rynku.
Naprykład, kolkaść bujnych sietkavych kampanij abmiežavana zakonam. «Heta dazvalaje abmiežavać apietyty bujnych hipier– i supiermarkietaŭ, bujnych kampanij i raźvivacca mienavita kramam krokavaj dastupnaści. Znoŭ ža, tradycyjnyja rynki zachavać, ich mnohija hramadzianie lubiać i chodziać na hetyja rynki. Na siońnia ŭ nas taki svojeasablivy bałans ustalavany», — skazaŭ ministr.
Adnosna zajavak rasijskaha rytejła pryjści ŭ Biełaruś Alaksiej Bahdanaŭ adznačyŭ adpaviedny intares. «Rasijskamu rytejłu cikava ŭ našaj krainie. U minułym hodzie zajšli niekalki novych rytejleraŭ. Viadoma, naš rynak dla ich cikavy, ale aktyŭna raźvivajucca i biełaruskija», — skazaŭ jon.
Kamientary