«Samaje žudasnaje vinšavańnie za ŭvieś čas!» Hanna Bond u šalenstvie ad navahodniaj rassyłki banka
Błohierka Hanna Bond u instahramie paskardziłasia na toje, jak Alfa-Bank razzłavaŭ jaje napiaredadni Novaha hoda. Błohiercy dasłali infarmacyju pra toje, kolki hrošaj jana patraciła za hod. A heta zusim nie toje, što chočaš viedać pierad śviatami.
Kali Hanna pabačyła sumu svaich vydatkaŭ za hod, to ašaleła. A potym u jaje źjavilisia nie samyja pryjemnyja dumki nakont taho, kudy ž padziełasia stolki hrošaj.
— Jašče dasłali: «A kali b vy karystalisia našymi partniorami, mahli b zarabić 4700 bonusaŭ». Navošta mnie heta viedać?! Ja vielmi razzłavałasia. Dasłać mnie pad Novy hod sumu, jakuju ja patraciła! Mnie, b**dź, drenna stała — adkul ja stolki hrošaj mahła patracić i kudy?!
Razzłavanaja błohierka adznačyła, što lepš by bank dasłaŭ niejkaha miadźviedzika, čym spravazdaču ab vydatkach. Jana taksama dadała, što ceły dzień nie mahła supakoicca paśla rassyłki. «Samaje žudasnaje vinšavańnie za ŭvieś čas!» A žadańnie ŭ vyniku adno — skaracić vydatki. Bo hrošaj u 2024 hodzie Hanna patraciła sapraŭdy zašmat.
— Jaki idyjot u vas heta prydumaŭ? I heta była ikonka, jakuju ja nie mahła abyści, jaje treba było abaviazkova adkryć. A jašče sotni ludziej mnie napisali z anałahičnym nastrojem. Kali mnie treba budzie pahladzieć razdrukoŭku, dyk ja sama zajdu i pahladžu, łahična ž. Dziakuj, što prymusili zadumacca nad vydatkami, ale pa-dobramu treba z vami raźvitacca.
U jakaści prykładaŭ Hanna vykłała ŭ storys skrynšoty Alfa-Banka, jakija joj dasłali padpisčyki.
— Navošta vyklikać u ludziej pačućcio viny? Vy tam z hłuzdu źjechali? Ci studentaŭ nabrali?
Błohierka zhadała banku i inšuju kryŭdu — kali jana nie mahła raspłacicca ŭ Vilni ich kartkaj.
A skončyła tym, što tak nastroj napiaredadni Novaha hoda joj nie psavaŭ jašče nichto i nikoli.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary