Pamior eks-prezident Estonii, pry jakim kraina zdabyła niezaležnaść
Na momant raspadu Savieckaha Sajuza ahraryj Arnold Rujtel kiravaŭ Viarchoŭnym savietam Estonskaj SSR. A ŭ pačatku 2000-ch staŭ prezidentam.
Były estonski prezident Arnold Rujtel pamior uviečary 31 śniežnia va ŭzroście 96 hadoŭ. Apošnija dni žyćcia jon znachodziŭsia ŭ špitali ŭ ciažkim stanie.
Rujtel naradziŭsia 10 maja 1928 hoda ŭ siamji pravasłaŭnych estoncaŭ. Svaju karjeru jon pačynaŭ u sielskahaspadarčaj halinie: u 1969-1977 hadach jon byŭ rektaram Estonskaj sielskahaspadarčaj akademii. Paśla pracavaŭ u Saviecie ministraŭ i ŭ Viarchoŭnym saviecie Estonskaj SSR.
Rujtel prymaŭ udzieł u padrychtoŭcy Dekłaracyi ab suvierenitecie Estonii, a paśla i Kanstytucyi Estonii.
U 1990-1992 uznačalvaŭ Viarchoŭny saviet Estonii. Pry im kraina zdabyła niezaležnaść.
U 1992 hodzie ŭ Estonii stvaryli pasadu prezidenta. Rujtel pieramoh u pieršym tury z vynikam 43%, ale ŭ druhim prajhraŭ. Sproba abracca ŭ 1996 taksama pravaliłasia.
Udałaj dla Rujtela staŭ treci ŭdzieł u vybarach, u 2001 hodzie, kali rašeńnie prymała śpiecyjalnaja kalehija vybarščykaŭ. Jon uznačalvaŭ Estoniju piać hadoŭ.
Kali ŭ 2006 hodzie bałatavaŭsia na čarhovy termin, to prajhraŭ.
Kamientary