Zatrymali šmatdzietnaha dyrektara pryvatnaj kampanii — jon padzarablaŭ zakładčykam
Mužčyna skazaŭ, što jaho biznes pierastaŭ prynosić dachod.
Supracoŭniki narkakantrolu 22 kastryčnika zatrymali minčanina, u jakoha byŭ skrutak z zabaronienym rečyvam. Pa kaardynatach u jaho mabilnym telefonie była taksama znojdziena schovanka, u jakoj znachodziŭsia pakiet z amal 94 hramami psichatropnaha rečyva, piša «Minsk-Naviny».
U dačynieńni da zatrymanaha raspačali kryminalnuju spravu. Mužčyna skazaŭ, što jaho biznes u apošni čas pierastaŭ prynosić naležny prybytak, tamu jon i vyrašyŭ palepšyć materyjalnaje stanovišča praz zbyt zabaronienych rečyvaŭ. Potym minčanin zajaviŭ, što chacieŭ padmanuć narkašop i zabrać psichatrop sabie.
Abvinavačany źjaŭlajecca dyrektaram pryvatnaj kampanii, žanaty, na ŭtrymańni maje traich małaletnich dziaciej, paviedamlaje prakuratura. U 2015 hodzie jon užo byŭ asudžany da 7 hadoŭ pazbaŭleńnia voli za anałahičnaje złačynstva, maje nie źniatuju i nie pahašanuju sudzimaść.
Jamu pradjaŭlena abvinavačańnie pa č. 3 art. 328 KK Respubliki Biełaruś («niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ»), sankcyja jakoj — pazbaŭleńnie voli na termin ad 6 da 15 hadoŭ.
Kamientary