Fihurysta, jaki raniej vystupaŭ za Biełaruś, złavili ŭ ZŠA na seksie ź niepaŭnaletniaj
Rasijskaha fihurysta Ivana Dziasiatava, jaki z 2022 hoda pradstaŭlaje ZŠA ŭ tancach na lodzie ŭ pary ź Izabiełaj Fłores, adchilili ad vystupleńniaŭ. Jaho adchileńnie źviazanaje z «abvinavačvańniem u nienaležnych pavodzinach».
Rasijski fihuryst Ivan Dziasiataŭ, jaki vystupaje za ZŠA ŭ tancach na lodzie, časova adchileny ad spabornictvaŭ. Pra heta paviedamlajecca na sajcie amierykanskaha centra biaśpiečnaha sportu.
Heta adchileńnie 23-hadovaha spartsmiena źviazana z «abvinavačvańniem u nienaležnych pavodzinach». Jano dziejničaje z 18 kastryčnika, ale padrabiaznaści spravy nie raskryvajucca.
Rasijskaje vydańnie «Sport-ekspriess», adnak, sa svaich krynic daviedałasia, što Dziaviataŭ abvinavačvajecca ŭ seksualnym kantakcie ź niepaŭnaletniaj dziaŭčynaj, jakoj na toj momant jašče nie spoŭniłasia 16 hadoŭ. Kali vina spartsmiena budzie dakazanaja, to jamu śviecić turemny termin.
U siezonie 2021/2022 Ivan Dziasiataŭ razam sa svajoj rasijskaj partniorkaj Kaciarynaj Andrejevaj pradstaŭlaŭ na mižnarodnych spabornictvach Biełaruś. A kali praz hod znoŭ zachacieŭ pamianiać zbornuju, to jamu nie davali na heta dazvołu, pakul spartsmien nie vypłacić 25 tysiač dalaraŭ u jakaści kampiensacyi za srodki, vydatkavanyja na treniroŭki i spabornictvy. U vyniku hrošy byli sabranyja z dapamohaj kraŭdfandynhu.
Kamientary