Hiermanija i ZŠA błakirujuć zaprašeńnie da ŭstupleńnia ŭ NATA dla Ukrainy, ale nie tolki jany
Vienhryja, Słavakija, Bielhija, Słavienija i Ispanija taksama suprać zaprašeńnia Ukrainy ŭ NATA.
Vydańnie Politico piša, što płan pieramohi prezidenta Uładzimira Zialenskaha sutykajecca z prablemaj, bo hruntujecca na atrymańni Ukrainaj zaprašeńnia da ŭstupleńnia ŭ NATA, a niekatoryja klučavyja siabry aljansu nie zacikaŭlenyja ŭ tym, kab heta adbyłosia.
«Pa słovach čatyroch amierykanskich i nataŭskich čynoŭnikaŭ i dypłamataŭ, jakija na ŭmovach ananimnaści padzialilisia apošnimi ŭnutranymi dyskusijami, Hiermanija i ZŠA źjaŭlajucca adnymi z najbujniejšych dziaržaŭ, jakija nie śpiašajucca reahavać na zaklik Zialenskaha ab nieadkładnym zaprašeńni da ŭstupleńnia ŭ NATA».
Politico adznačaje, što klučavyja siabry aljansu zaniepakojenyja tym, što mohuć być uciahnutyja ŭ vajnu z Rasijaj.
U intervju vydańniu pasoł ZŠA ŭ NATA Džulijana Śmit adkreśliła amierykanskuju pazicyju: «Na siońniašni dzień aljans nie dasiahnuŭ taho punktu, kali jon hatovy prapanavać siabroŭstva abo zaprašeńnie Ukrainie».
Ale Hiermanija i ZŠA — nie adzinyja błakiroŭščyki zaprašeńnia. Vienhryja i Słavakija taksama supraciŭlajucca. Ich ciapierašnija papulisckija lidary zajmajuć u cełym prakramloŭskuju pazicyju: premjer-ministr Vienhryi Viktar Orban zabłakavaŭ srodki ES na ŭzbrajeńnie Ukrainy.
U svaim paście Orban nazvaŭ płan pieramohi Zialenskaha «bolš čym žachlivym».
Premjer-ministr Słavakii Robiert Fica raniej u hetym miesiacy papiaredziŭ, što ŭstupleńnie Ukrainy ŭ NATA «stanie dobraj asnovaj dla treciaj suśvietnaj vajny», i paabiacaŭ, što «nikoli nie pahodzicca» na heta.
Jość i inšyja krainy, jakija nie imknucca chutka ruchacca nasustrač Kijevu, a zdavolvajucca tym, što chavajucca ŭ cieni.
«Takija krainy, jak Bielhija, Słavienija abo Ispanija, chavajucca za śpinami ZŠA i Hiermanii. Jany nie chočuć», — skazaŭ adzin z čynoŭnikaŭ NATA. Druhi čynoŭnik skazaŭ, što krainy «padtrymlivajuć hetuju ideju abstraktna», ale jak tolki jana nablizicca da materyjalizacyi, jany pačnuć vystupać suprać jaje bolš publična.
17 kastryčnika Hienieralny sakratar NATA Mark Rute zajaviŭ, što Ukraina dałučycca da aljansu jak jaho 33-ci abo 34-y člen u budučyni.
CVK apublikavaŭ łahatyp prezidenckaj kampanii. I znoŭ łoha CVK padobna da dyviersii2
CVK apublikavaŭ łahatyp prezidenckaj kampanii. I znoŭ łoha CVK padobna da dyviersii
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara77
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara7
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary