Hramadzianku Biełarusi z tryma dziećmi evakuiravali z Hazy. Samalot ź siamjoj pryziamliŭsia ŭ Nacyjanalnym aeraporcie Minsk.
Nočču na radzimu ź siektara Haza prylacieła biełaruska — paleścinskaja siamja Abuałkas — mama i troje dziaciej.
«Heta sapraŭdy historyja cudoŭnaha vyratavańnia i prykład zładžanaj raboty biełaruskich dypłamataŭ, pradstaŭnikoŭ šerahu profilnych viedamstvaŭ krainy, a taksama partnioraŭ ź Mižnarodnaha kamiteta Čyrvonaha Kryža», — piša MZS.
Aktyŭnaja faza apieracyi zaniała niekalki dzion. Byli zadziejničany 4 dypmisii — pasolstvy Biełarusi ŭ Izraili, Siryi, Jehipcie i Rasii. Dypłamaty asabista ažyćciaŭlali supravadžeńnie suajčyńnikaŭ, akazvali sadziejničańnie ŭ afarmleńni dakumientaŭ, pierachodzie KPP na paleścina-izrailskaj i izrailska-iardanskaj miežach, vyrašeńni inšych arhanizacyjnych pytańniaŭ, pieradaje BiełTA.
Taćciana Abuałkas raspaviała, što daroha ŭ Biełaruś była składanaj. Siamja troje sutak była ŭ darozie.
Pra vyprabavańni, jakija siamja pieražyła za hod, Taćciana raskazvaje jak pra kašmar. «Hety rehijon pastajanna trasie, tam pastajannyja vojny. Ale heta mahło doŭžycca dziesiać dzion. Samaja doŭhaja vajna na majoj pamiaci praciahvałasia 53 dni. Nichto nie čakaŭ, što vajna, jakaja idzie zaraz, budzie doŭžycca stolki času», — pryznajecca Taćciana.
Nasieleny punkt, u jakim žyła siamja Abuałkas, raili pakinuć jak niebiaśpiečny rajon. Času na zbory tołkam nie było, i ludzi brali z saboj tolki samaje nieabchodnaje, u strachu pakidajučy svaje damy i kvatery.
«My žyli to ŭ svajakoŭ, to ŭ pałatkach. Naša pałatka staić da hetaha času. My pieražyli tam žach. Usio ŭ ruinach. My prajazdžali mima adnaho z nasielenych punktaŭ, i ja navat ujavić nie mahła, kolki treba času, kab usio heta adnavić, kab tudy viarnułasia žyćcio. Tam usio ŭ ruinach, nie było nivodnaha cełaha budynka», — uspaminaje Taćciana.
Pierš za ŭsio žančyna ŭ Biełarusi płanuje zaniacca ŭładkavańniem dziaciej u škołu: «Dzieci hod nie vučylisia naohuł».
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3939
Kamientary