U Babrujsku chakier zabłakavaŭ buchhałteryju dziaržarhanizacyi i zapatrabavaŭ vykup
Hrošy čynoŭniki pieravodzić nie stali i vyklikali milicyju.
Nieviadomy chakier uzłamaŭ sistemu Centra zabieśpiačeńnia dziejnaści biudžetnych arhanizacyj Babrujska i zabłakavaŭ buchhałtarskija fajły.
Uzłom vyjaviŭ hałoŭny buchhałtar dziaržarhanizacyi, kali pryjšoŭ na pracu ranicaj 14 kastryčnika i nie zmoh zapuścić pracoŭny soft. Na siervier Centra pryjšoŭ list ad uzłomščyka: za dešyfroŭku i adnaŭleńnie pracy sierviera jon zapatrabavaŭ 2 tysiačy dalaraŭ. Hrošy prapanavaŭ pieravieści na kryptakašalok.
Administracyja Centra nie stała pieravodzić hrošy i vyklikała siłavikoŭ. Apieratyŭniki ahledzieli kampjutary, kanfiskavali pierapisku pradpryjemstva, narmatyŭnyja dakumienty pa infarmacyjnaj biaśpiecy.
Babrujskim mižrajonnym adździełam Śledčaha kamiteta zaviedzienaja kryminalnaja sprava pa č. 1 art. 208 (vymahalnictva) Kryminalnaha kodeksa Respubliki Biełaruś. Siłaviki sprabujuć vyśvietlić asobu chakiera.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3838
Kamientary