Elitnaja 155-ja bryhada Cichaakijanskaha fłotu Rasii straciła 80% składu pad Vuhladaram
Sałdaty 155-j bryhady marskoj piachoty viali bai za Vuhladar na praciahu dvuch hadoŭ.
Elitnaja 155-ja bryhada marskoj piachoty Cichaakijanskaha fłotu straciła amal 2400 čałaviek asabistaha składu ŭ bitvie za Vuhladar, paviedamlajecca ŭ dakumientalnym filmie BBC. Heta składaje amal 80% składu bryhady, ahulnaja kolkaść jakoj aceńvajecca ŭ try tysiačy čałaviek, paviedamlaje Rasijskaja słužba «Radyjo Svabody».
Sałdaty 155-j bryhady marskoj piachoty viali bai za Vuhladar na praciahu dvuch hadoŭ. Da hetaha jany ŭdzielničali ŭ bajach pad Kijevam, dzie ŭžo panieśli značnyja straty. Na biessensoŭnyja achviary ŭ bryhadzie skardzilisia rasijskija pravajskovyja błohiery, jakija apublikavali zvarot bajcoŭ bryhady ab stratach u 300 čałaviek za čatyry dni.
Hubiernatar Prymorja Aleh Kažamiaka nie staŭ asprečvać sapraŭdnaść zvarotu, choć i zajaviŭ, što heta moža być pravakacyjaj ukrainskich śpiecsłužbaŭ. Praź niekalki dzion jon paviedamiŭ, što pahavaryŭ z kamandzirami i pryznaŭ, što straty jość, «ale jany daloka nie takija, jak pišuć u hetym zvarocie».
Ministerstva abarony Rasii zajaviła, što padraździaleńni 155-j bryhady bolš za dziesiać sutak viaduć nastupalnyja dziejańni, a straty marpiechaŭ «za hety pieryjad nie pieravyšajuć 1% bajavoha składu i 7% paranienymi, značnaja častka jakich užo viarnułasia ŭ stroj».
Ciapier 155-ja bryhada viadzie nastupleńnie ŭ Kurskaj vobłaści, sprabujučy vybić ukrainskuju armiju z zaniatych pazicyj. Za apošnija dni, pa źviestkach abodvuch bakoŭ, rasijskija vojski atakavali ŭ rajonie chutara Zialony Šlach i pasiołka Lubimaŭka.
Pa vynikach vieraśnia paćvierdžanyja straty rasijskaj armii va Ukrainie pieravysili 71 tysiaču čałaviek, vynikaje z padlikaŭ «Miedyjazony» i «Ruskaj słužby BBC». Realnyja straty mohuć być značna vyšejšyja, rasijski bok ab stratach nie paviedamlaje.
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior17
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary