Były hienieralny sakratar NATA Jens Stołtenbierh ličyć, što chutkaje zakančeńnie vajny va Ukrainie biez terytaryjalnych sastupak z boku Kijeva małavierahodnaje. Na jahonuju dumku, dla dasiahnieńnia miru Ukrainie, mahčyma, daviadziecca časova admovicca ad kantrolu nad akupavanymi terytoryjami, piša The Moscow Times.
«Kali linija spynieńnia ahniu aznačaje, što Rasija praciahvaje ŭtrymlivać zachoplenyja terytoryi, heta nie maje na ŭvazie, što Ukraina pavinna admovicca ad ich nazaŭždy», — pryvodzić słovy Stołtenbierha Spiegel.
Jon padkreśliŭ, što ŭ abmien na časovyja sastupki Kijeŭ pavinien atrymać harantyi biaśpieki, jakija mahli b uklučać siabroŭstva ŭ NATA abo inšyja miery, nakiravanyja na ŭmacavańnie abaranazdolnaści Ukrainy.
Stołtenbierh vykazaŭ padtrymku pazicyi prezidenta Uładzimira Zialenskaha, jaki nastojvaje na niedapuščalnaści terytaryjalnych sastupak. Adnak były hienieralny sakratar aljansu adznačyŭ: z-za biahučaj vajennaj situacyi heta małavierahodna.
Zialenski ŭ listapadzie dapuściŭ mahčymaść zakančeńnia «haračaj fazy» kanfliktu, kali Ukraina ŭvojdzie ŭ NATA ŭ kantralavanych joj miežach, a viartańnie stračanych terytoryj budzie ažyćciaŭlacca dypłamatyčnym šlacham. Jašče letam jon zajaŭlaŭ, što Ukraina nie maje namieru vykarystoŭvać svaje terytoryi jak raźmiennuju manietu ŭ pieramovach ab miry.
2 śniežnia fiederalny kancler Hiermanii Ołaf Šolc prybyŭ u Kijeŭ dla pieramoŭ ź Zialenskim. Hety vizit kiraŭnika niamieckaha ŭrada va ŭkrainskuju stalicu staŭ pieršym za apošnija dva z pałovaj hady. Pierad sustrečaj z ukrainskim prezidentam Šolc paabiacaŭ dać Kijevu dadatkovuju vajskovuju dapamohu ŭ pamiery 650 miljonaŭ jeŭra. Adnak, jak paviedamili krynicy Bild, adnoj z metaŭ jaho vizitu było vyśviatleńnie hatoŭnaści Zialenskaha iści na sastupki dla dasiahnieńnia miru.
Raniej Zialenski pryznaŭ, što USU pakul nie vałodajuć dastatkovymi resursami dla poŭnaha viartańnia akupavanych terytoryj. «Nam treba znajści dypłamatyčnaje rašeńnie», — rastłumačyŭ jon. Prezident Ukrainy adznačyŭ, što dypłamatyja mahčymaja tolki pry najaŭnaści mocnaj abarony, kab praduchilić dalejšuju ahresiju Rasii. Zialenski taksama adznačyŭ, što Ukraina pieražyvaje «składany etap» vajny, a mižnarodnaj padtrymki niedastatkova. Jon znoŭ zaklikaŭ NATA paskoryć pieramovy ab siabroŭstvie Ukrainy ŭ aljansie.
Źniasilenyja vajnoj. Zachad jašče dapamahaje Ukrainie trymacca, ale ŭžo nie dapamahaje pieramahać
Stołtenbierh: Samy chutki sposab skončyć vajnu — prajhrać jaje. Ale heta pryniasie nie mir, a rasijskuju akupacyju
Apošni ryvok. Što budzie hetaj zimoj na poli boju va Ukrainie?
Što praduhledžvaje mirny płan budučaha śpiecpradstaŭnika Trampa pa Ukrainie
Kali ŭ Zachodniaj Jeŭropie nie kryzis, to što takoje kryzis?
Kamientary