Akruha štata Kalifornija vypłacić siamji Łonh 300 tysiač dalaraŭ za zabojstva lubimaha koźlika ich dački, piša Rasijskaja słužba Radyjo Svaboda.
Pra takuju sumu baki damovilisia ŭ ramkach miravoj damovy. U 2022 hodzie, u ramkach maładziožnaha kirmašu, siamihadovaja dačka Łonh pavinna była vyraścić kaźlania pa imieni Kiedr i pradać jaho na aŭkcyjonie. Adnak dziaŭčynka pryviazałasia da žyvioły i nie chacieła addavać jaho na zaboj.
Jaje maci, Džesika Łonh, pasprabavała vykupić kaźlania ŭ arhanizataraŭ kirmašu, ale tyja admovilisia i pahražali kryminalnaj spravaj, paśla čaho źviarnulisia ŭ palicyju. Palicyjanty vykrali koźlika i dastavili jaho nazad na kirmaš.
Tam Kiedra pradali za 902 dalary — paviedamlajecca, što takuju canu za jaho prapanavaŭ sienatar Kalifornii ad Respublikanskaj partyi Brajan Dejł. Jaho pradstaŭniki skazali siamji Łonh, što «nie buduć pieraškadžać ich sprobam vyratavać kaźlania ad bojni». Tym nie mienš, Kiedra zabili.
Džesika Łonh padavała ŭ sud na akruhu i palicyjantaŭ, abvinavačvajučy ich u parušeńni kanstytucyjnych pravoŭ jaje dački, a taksama ŭ vobšukach i vykradańni žyvioły biez ordara. Niahledziačy na miravuju damoŭlenaść z akruhaj, sudovy praces adnosna inšych udzielnikaŭ spravy praciahvajecca.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary