Minskaje «Dynama» budzie hulać u asnoŭnym raŭndzie Lihi kanfierencyj. I heta niakiepska
Apošni raz u asnoŭnym raŭndzie jeŭrakubkaŭ biełaruskija kłuby hulali šeść hod tamu.
Što praŭda, bielhijski «Anderlecht» prajści nie ŭdałosia. Tydzień tamu «Dynama» prajhrała 0:1, siońnia ŭ Bielhii «Anderlecht» taksama vyjhraŭ ź likam 1:0.
Takim čynam bielhijski kłub zhulaje ŭ asnoŭnym raŭndzie Lihi Jeŭropy, a «Dynama» budzie vystupać u asnoŭnym raŭndzie Lihi kanfierencyj — trecim pa prestyžnaści jeŭrakubku.
Losavańnie projdzie ŭ hetu piatnicu. «Dynama» atrymaje šeść supiernikaŭ. Try matčy projduć na niejtralnym poli ŭ Azierbajdžanie, a try — u haściach.
«Dynama» pačynała vystup z kvalifikacyi Lihi čempijonaŭ. Prajšło armianski «Piunik», u druhim raŭndzie prajhrała bałharskamu «Łudahorcu», u trecim raŭndzie kvalifikacyi Lihi Jeŭropy prajšło pa sumie dvuch matčaŭ hibrałtarski «Linkaln».
Biełaruski kłub apošni raz hulaŭ u hrupavym turniry ŭ siezonie 2018-2019 (BATE ŭ Lizie Jeŭropy). Z taho času biełaruskija družyny ŭ jeŭravosień nie prabivalisia.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary