Siłaviki pierałavili lidaraŭ «pravasłaŭna-impierskaj» siekty. Budynki brali šturmam
Supracoŭniki HUBAZiK MUS pry siłavoj padtrymcy atradaŭ śpiecpryznačeńnia ŭnutranych vojskaŭ i bajcoŭ AMAPa ŭ roznych rehijonach zatrymali 11 čałaviek-lidaraŭ i aktyŭnych funkcyjanieraŭ mižnarodnaj siekty, jakija adkazvali za pracu biełaruskaj jačejki, paviedamlaje MUS.
Učora stała viadoma, što supołka «Ruskaja pravasłaŭnaja carkva — carskaja impieryja» pryznanaja ekstremisckim farmavańniem.
U Biełarusi arhanizacyja dziejničała z maja minułaha hoda i naličvaje kala 50 prychilnikaŭ, paviedamlaje MUS.
Usie jany admovilisia ad dakumientaŭ i kaštoŭnaściaŭ na karyść abščyny, budučy ŭpeŭnienymi, što heta pravasłaŭnaja carkva.
Zaraz praviarajecca infarmacyja ab ździajśnieńni ašukanskich dziejańniaŭ u dačynieńni da hramadzian i ich majomaści, raspalvańni relihijnaj varožaści, a taksama zaklikach da praviadzieńnia destruktyŭnych akcyj, ekstremizmu, havorycca ŭ pres-relizie MUS
Tam zaznačajuć, što zasnavalnik psieŭdarelihii — dvojčy sudzimy ŭradženiec Kazachstana — pačynaŭ prasoŭvać svaje idei hvałtoŭnaha źviaržeńnia dziaržaŭnaj ułady ŭ 2022 hodzie ŭ Vałhahradskaj vobłaści. Pastupova da łžepatryjarcha dałučylisia rasijanie ź inšych rehijonaŭ, a taksama hramadzianie šerahu krain postsavieckaj prastory. Sialilisia hetyja ludzi hrupami ŭ hłuchich vioskach, z vykarystańniem sacyjalnych sietak i ŭlotak vierbavali ŭ svaje šerahi novych adeptaŭ.
Asnoŭnym patrabavańniem dla ŭstupleńnia ŭ arhanizacyju źjaŭlałasia prynašeńnie «klatvy viernaści da apošniaj kropli kryvi impierataru».
U lutym u Rasii zatrymali arhanizatara ruchu. Jaho abvinavačvajuć u stvareńni niekamiercyjnaj struktury, praca jakoj spałučanaja sa schileńniem ludziej da admovy ad vykanańnia hramadzianskich abaviazkaŭ, a taksama publičnymi zaklikami da terarystyčnaj dziejnaści.
U dačynieńni da zatrymanych Śledčym kamitetam Biełarusi raspačatyja kryminalnyja spravy za stvareńnie ekstremisckaha farmavańnia i ŭdzieł u im.
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary
Lubaja relihija ŭ 21-m stahodździ - heta nie pra mazhi i nie pra adekvatnaść. Ale ž, tym nie mienš:
"Kožny čałaviek maje prava na svabodu dumki, sumleńnia i relihii;
heta prava ŭklučaje svabodu mianiać svaju relihiju abo pierakanni
i svabodu spaviadać svaju relihiju abo pierakananni jak
adnaasobna, tak i razam z inšymi, publičnym abo pryvatnym
paradkam u vučenni, bohasłuženni i vykananni relihijnych i
rytualnych abradaŭ" (art. 18 Usieahulnaj dekłaracyi pravoŭ čałavieka).
To bok, kali hetych pravasłaŭnutych adeptaŭ zaraz abvinavaciać u stvareńni ekstremisckaha farmavańni i źniavolać na hetaj padstavie, ich treba budzie całkam słušna vyznać palityčnymi źniavolenymi.