«Režym mohuć zacikavić tolki prafiesijanały». Łatuška pra mahčymaść abmienu palitviaźniaŭ na aryštavanych ahientaŭ KDB
Namieśnik kiraŭnicy Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia Pavieł Łatuška prakamientavaŭ vydańniu «Pozirk» vykazvańni Chrysta Hrozieva ab mahčymych krokach Zachadu pa vyzvaleńni biełaruskich palitviaźniaŭ.
Hrozieŭ havaryŭ pra aryštavanych u Jeŭropie supracoŭnikaŭ biełaruskaha KDB i vykazaŭ dumku, što «mienavita voś hetyja aryštavanyja musiać być abmienienyja na biełaruskich palitviaźniaŭ».
Łatuška, kamientujučy hetyja słovy, skazaŭ:
«Chutčej heta mahčymy scenar. Adnak nieabchodna razumieć, što my ŭkładajem u słova «ahient».
Ahienty, jakija zatrymanyja na terytoryi šerahu jeŭrapiejskich krain i navat asudžanyja na roznyja terminy źniavoleńnia, jak, naprykład, u Polščy, pavodle toj infarmacyi, jakuju my majem z publičnych krynic, ažyćciaŭlali razavyja dziejańni ŭ intaresach śpiecsłužbaŭ. To bok nie źjaŭlalisia prafiesijnymi supracoŭnikami śpiecsłužbaŭ.
I naŭrad ci ich viartańnie ŭ Biełaruś moža być u intaresach režymu Łukašenki. Chutčej za ŭsio, jany nie vałodajuć infarmacyjaj, važnaj dla režymu, tamu režym nie budzie zmahacca za ich abmien i viartańnie ŭ Biełaruś».
«Kali ž havorka idzie pra prafiesijnych supracoŭnikaŭ śpiecsłužbaŭ, aficeraŭ, to publična nam nieviadoma pra takija prykłady zatrymańniaŭ na terytoryi jeŭrapiejskich dziaržavaŭ. Kali ž heta maje miesca, voś tut sapraŭdy moža źjavicca matyvacyja ŭ režymu viarnuć ich na radzimu», — ličyć palityk.
Jon «nie staŭ by vyklučać, što na terytoryi krain — siabroŭ Jeŭrapiejskaha sajuza siarod zatrymanych mohuć znachodzicca prafiesijnyja supracoŭniki śpiecsłužbaŭ režymu Łukašenki».
«I kali heta tak, to, mahčyma, takija varyjanty abmienu razhladajucca. Ale treba razumieć, što zaŭsiody jany majuć vyklučna kanfidencyjny, zakryty charaktar», — padkreśliŭ Łatuška.
Chrysta Hrozieŭ adkazvaje, čamu nie abmianiali biełaruskich palitviaźniaŭ
«Ryka Kryhier byŭ upeŭnieny, što kali nie pryviaduć Krasikava, abmien sarviecca»
Illa Jašyn: Biełaruskija palitviaźni pavinny byli stać častkaj ździełki pa abmienie
U Polščy patłumačyli, čamu rasijskaha špijona Rubcova nie abmianiali na Pačobuta
Ci mohuć demakratyčnyja siły vyzvalić palitviaźniaŭ praz svaju dyskredytacyju? Heta iluzija
Łukašenka pra adklučeńnie internetu ŭ 2020-m: Kali heta paŭtorycca, adklučym zusim25
Kamientary