Najlepšaja letniaja pasta — taja, što ŭpryhožanaja zielaninaj. Pierad padačaj vy možacie azdobić hetu stravu vialikaj kolkaściu śviežaha baziliku abo miaty.
Hetu pastu možna pryhatavać usiaho za 35 chvilin, i jana stanie vydatnym sposabam vykarystać letnija kabački. Fota: ABC Everyday, Heidi Sze
Sumieś kabačka i cybuli-pareju vydatna spałučajecca z kansiervavanaj fasolaj. Taksama jaje možna padać jaje z tostami z masłam abo jaječniaj ź vialikaj kolkaściu piercu ŭ jakaści prypravy.
Kab pryhatavać makaronu z kabačkami, spatrebicca:
- ¼ šklanki aliŭkavaha aleju
- 800 h kabačkoŭ, narezanych kružočkami taŭščynioj 1 sm
- 2 vialikija (abo 3 maleńkija) cybuli-parei, narezanyja kružočkami taŭščynioj 1,5 sm
- drobnaja marskaja sol
- 400 h makarony
- 1-2 čajnyja łyžki biełaha vinnaha vocatu (pa žadańni)
- 90 h (prykładna 1 šklanka) drobna naciortaha parmiezanu, plus jašče trochi dla padačy
- śviežamołaty čorny pierac
Jak hatavać
- Pastaŭcie vialiki rondal z vadoj na ahoń i daviadzicie vadu da kipieńnia.
- Nahrejcie alej u vialikaj patelni z toŭstym dnom na siarednim ahni. Dadajcie tudy kabačok i cybulu-parej razam z 1 čajnaj łyžkaj drobnaj marskoj soli. Pieramiašajcie, nakryjcie viečkam i pakińcie hatavacca na 15-20 chvilin, čas ad času pamiešvajučy i zapavolvajučy ahoń, kali harodnina pačnie rabicca ciomnaj (vam treba, kab kabačok i cybula stali miakkija, a nie ciamnieli). U zaležnaści ad taho, kolki vadkaści ŭ vašaj harodninie, vam moža spatrebicca dadać trochi vady, kab harodnina nie padhareła.
- Paśla taho, jak vada zakipić, dadajcie poŭnuju stałovuju łyžku soli i zvarycie pastu al dente (to bok nie pieravarycie pastu, bo jana budzie hatavacca dalej z sumieśsiu kabačka i cybuli). Zachavajcie 1 šklanku vady, u jakoj varyłasia pasta, pierad tym jak źlivać vadu.
- Jak tolki cybula-parej stanie miakkaj, a kabačok pačnie raspadacca, pavialičcie ahoń da mocnaha i dadajcie pryhatavanuju pastu razam ź nievialikaj kolkaściu vady, u jakoj varyłasia pasta. Chutka i staranna pieramiašajcie (pry nieabchodnaści dadajcie jašče trochi vady, u jakoj varyłasia makarona), zatym vyklučycie ahoń.
- Dadajcie bieły vinny vocat, zatym parmiezan i pierac. Pieramiašajcie. Padavajcie z dadatkovym parmiezanam i piercam pa žadańni.
Kamientary
nie atrymalisia ź pieršaha razu ŭ mianie (
zrešty ja ž tak i raźličvała
tamu doŭha bajałasia bracca za ich
chinkali apynulisia niejak navat prošče
čym kaklety pa-kijeŭski