Byłoha namieśnika hiendyrektara «Harramaŭtadara» buduć sudzić za bujny adkat
Śledčaje ŭpraŭleńnie USK pa horadzie Minsku zaviaršyła rasśledavańnie kryminalnaj spravy ŭ dačynieńni da byłoha namieśnika hienieralnaha dyrektara dziaržaŭnaj kampanii «Harramaŭtadar». Jon abvinavačvajecca ŭ atrymańni adkatu za pieramohu ŭ zakupkach.
«Harramaŭtadar» — adna z najbujniejšych dziaržaŭnych kampanij, jakija zabiaśpiečvajuć raźvićcio i budaŭnictva darožnaj kamunikacyi ŭ Minsku.
Heta pradpryjemstva zakupaje i pastaŭlaje darožnuju techniku, zapasnyja častki i inšych spadarožnyja materyjały da jaje, a taksama harantyjnaje i postharantyjnaje absłuhoŭvańnie. Adkaznym za hety kirunak dziejnaści byŭ 46-hadovy adzin z namieśnikaŭ hienieralnaha dyrektara. Jon kiravaŭ finansava-haspadarčaj dziejnaściu, kamisijami pa ažyćciaŭleńni zakupak i śpisańniu materyjalnych kaštoŭnaściaŭ, a taksama padpisvaŭ damovy.
Letam 2023 hoda ŭ arhanizacyi ŭźnikła nieabchodnaść zakupki redkaha i darahoha abstalavańnia — darožnaj frezy, pryznačanaj dla vydaleńnia znošanych słajoŭ asfaltu. Hetaja technika kaštuje bolš za 3 miljony rubloŭ. Abvinavačany prapanavaŭ znajomamu biznesmienu za hrašovuju ŭznaharodu pamieram u 200 tysiač rubloŭ zabiaśpiečyć jahonuju pieramohu ŭ tendary.
Schiemu zapuścili tak, što na tendar razam z «patrebnym» pastaŭščykom byŭ vystaŭleny padstaŭny ŭdzielnik, jaki źniaŭ kandydaturu pierad pačatkam pracedury. Z-za farmalnych padstaŭ konkursy nie adbylisia, tamu zhodna z zakanadaŭstvam možna było zrabić zakupku z adnoj krynicy.
U vyniku ŭsio nibyta było zładžana, ale pra heta ŭrešcie daviedalisia śledčyja orhany, jakija zatrymali byłoha namieśnika «Harramaŭtadara», jaki da taho času ŭžo pierajšoŭ na inšuju pasadu, na etapie pieradačy jamu hrošaj, choć heta rabiłasia nie napramuju, a praź niekalkich pasiarednikaŭ.
U spravie taksama fihurujuć inšyja słužbovyja złoŭžyvańni. Tak, u śniežni 2022 hoda mužčyna paprasiŭ hałoŭnaha enierhietyka pieradać jamu ŭ karystańnie Iphone 12, pryznačany dla inšaha namieśnika, pasada jakoha była vakantnaja. Hadžet staŭ padarunkam dla dački na Novy hod.
U vyniku mužčynu vystaŭlenyja abvinavačvańni pa č. 3 art. 430 (atrymańnie chabaru ŭ asabliva bujnym pamiery) Kryminalnaha kodeksa Respubliki Biełaruś i č. 1 art. 210 (kradziež šlacham złoŭžyvańnia słužbovymi paŭnamoctvami) Kryminalnaha kodeksa. Jon utrymlivajecca pad vartaj.
Padčas rasśledavańnia aryštavanaja majomaść fihuranta na sumu bolš za 240 tysiač rubloŭ.
Hałoŭnaha enierhietyka minskaha pradpryjemstva buduć sudzić za chabar u 1400 rubloŭ
Zatrymlivali jašče dvuch vysokich načalnikaŭ z BČ i kiraŭnika Minskaha mietrapalitena
Dvuch viciebskich čynoŭnikaŭ buduć sudzić adnačasova za abrazu Łukašenki i chabar
Łukašenka prapanavaŭ adsiakać ruki tym, chto kradzie ŭ sielskaj haspadarcy
Kamientary