Za karystańnie školnymi padručnikami ŭ budučym navučalnym hodzie treba budzie zapłacić 20 rubloŭ. U paraŭnańni ź minułym hodam košt vyras na 1,50 rubla, paviedamlaje 1prof.by.
Płata za karystańnie dapamožnikami ŭ Biełarusi pryviazanaja da bazavaj vieličyni i składaje 50% ad jaje. Ciapier jana 40 rubloŭ.
U dziciačych sadkach za heta płaciać 20% bazavaj — 8 rubloŭ.
U dziaciej sa šmatdzietnych siemjaŭ jość ilhoty. Dla ich cana na padručniki pamienšanaja na 50% ad zaćvierdžanaha pamieru. Sioleta jany buduć płacić 10 rubloŭ.
Karystacca padručnikami biaspłatna mohuć dzieci-siroty, navučency sanatornych škoł-internataŭ, dzieci-invalidy, dzieci z ankałahičnymi zachvorvańniami abo na suchoty.
Apłacić treba da 1 kastryčnika.
Kamientary