U vyniku pavietranaha napadu na partovuju infrastrukturu ŭ Adeskaj vobłaści zahinuli dva čałavieki — achoŭnik i kiroŭca hruzavika, zajaviŭ kiraŭnik abłasnoj vajennaj administracyi Aleh Kipier u telehramie.
«Jašče adzin čałaviek, vachtavy matros, atrymaŭ ranieńnie», — piša Kipier. Jon udakładniŭ, što ŭdar byŭ naniesieny pa Adeskim rajonie.
Raniej ab načnym napadzie na partovuju infrastrukturu pad Adesaj paviedamili Pavietranyja siły USU. Pa ich dadzienych, było zadziejničana čatyry kiravanyja avijacyjnyja rakiety Ch-59/Ch-69 i drony, try rakiety «nie dasiahnuli svaich metaŭ».
Paškodžańnie ad abłomkaŭ atrymali składskija pamiaškańni, hruzavy aŭtatranspart i hramadzianski ciepłachod, z-za paškodžańnia sudna adbyłasia ŭciečka vadkaści, paviedamiŭ Kipier.
Kamientary